Sigmundur Davíð Gunnlaugsson, formaður Miðflokksins, segir að ferðir hælisleitenda frá Venesúela til Íslands séu meðal annars seldar frá Íslandi. Bendir hann á að dómsmálaráðherra, Jón Gunnarsson, hafi sagt að grunur leiki á að þetta tengist mansali.

Sigmundur fer yfir þessi máli í pistli á Facebook í kvöld og segir meðal annars:

„Ferðir til Vesturlanda eru oft seldar fólki sem hefur engan veginn efni á þeim með því skilyrði að viðkomandi skuldbindi sig til að greiða fyrir ferðirnar með einum eða öðrum hætti eftir að komið er á áfangastað.“

Segir hann það vekja furðu sína hvað lítill skilningur sé hér á landi á eðli þessara mála, ekki síst hjá stjórnvöldum.

Hann segir að bak við auglýsingar um ferðir til Íslands frá Venesúela virðist lítið búa annað en tilraunir til að selja fólki aðgang að betri lífskjörum á Íslandi. Hann segir jafnframt:

„Eiga slíkir aðilar að stýra komum hælisleitenda til landsins eða ætla stjórnvöld að gera það? Ísland er nú orðið eitt eftir af Norðurlöndunum sem velur fyrri kostinn. Öll hin hafa skipt um kúrs, enda umsoknir hér orðnar hlutfallslega 20 sinnum fleiri en í Danmörku!“

Sjá nánar með því að smella á tengilinn hér að neðan: