Verkfall nýrra aðila innan Eflingar hófst á hádegi í dag. 70 vörubílstjórar hjá Samskipum, Skeljungi og Olíudreifingu, og 500 starfsmenn Berjaya-hótela og Edition lögðu niður störf kl. 12 og halda áfram í verkfalli þangað til því hefur verið aflýst af félaginu. Þegar eru um 300 Eflingarfélagar á Íslandshótelum í verkfalli.

Settur ríkissáttasemjari, héraðsdómarinn Ástráður Haraldsson, tók við hlutverki sáttasemjara í deilunni í gær og boðaði SA og Eflingu til fundar í morgun. Mbl.is greinir frá því merki séu á lofti um að sættir gætu náðst í deilunni. Rætt var við Sólveigu Önnu sem segir: „Við bind­um mikl­ar von­ir um að mögu­lega sé eitt­hvað að ger­ast.“ Segir Sólveig Anna að samningsvilji Eflingar sé mikill í deilunni.

Morgunblaðið fer hörðum orðum um Eflingu í dálkinum Staksteinar í morgun og segir félagið halda samfélaginu í gíslingu. Er þar vitnað til viðtals við forstjóra Icelandair, Boga Nils Bogasonar:

„Bogi Nils Boga­son, for­stjóri Icelanda­ir, seg­ir í sam­tali við Morg­un­blaðið að flug til og frá land­inu stöðvist ekki seinna en í næstu viku, verði verk­falli eldsneyt­is­flutn­inga­bíl­stjóra í Efl­ingu haldið til streitu. Ekki vegna þess að ekki sé nóg til af flug­véla­eldsneyti, held­ur vegna þess að það þarf líka olíu á rút­ur með farþega og starfs­fólk, flutn­inga­bíla með flug­vélamat og sprittþurrk­ur.

Það er ekk­ert grín ef flugið stöðvast. Þar horfa auðvitað marg­ir til ferðaþjón­ust­unn­ar, sem ekki hef­ur enn náð sér eft­ir heims­far­ald­ur­inn, og má ekki við neinni trufl­un. Og það er ekki eins og þá falli niður nokkr­ar flug­ferðir á dag, því fljótt flýg­ur fiski­sag­an og verk­falls­frétt­ir af ís­lensk­um ferðageira get­ur sett allt sölu­starf fyr­ir sum­arið á hliðina.“