fbpx
Mánudagur 05.desember 2022
Eyjan

Viðreisn leggur til breytingar á fiskveiðikerfinu – „Við höfum nú tækifæri til að skapa sátt um þessa mikilvægu atvinnugrein“

Eyjan
Þriðjudaginn 27. september 2022 16:49

Hanna Katrín Friðriksson Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Á dagskrá þingfundar í dag er þingsályktunartillaga Viðreisnar sem felur í sér umfangsmiklar breytingar á íslenska fiskveiðikerfinu.

Í fyrsta lagi fjallar tillagan um að 5% heildarafla verði boðin upp á hverju ári með nýtingarrétti til 20 ára í senn, í öðru lagi að veiðigjöld verði felld brott því markaðsgjald komi í staðinn og í þriðja lagi að hluti tekna ríkissjóðs af uppboði kvóta renni í sérstakan uppbyggingarsjóð fyrir fjárfestingu á landsbyggðunum.

Umráðaréttur þjóðarinnar skýrt skilgreindur

Um tillöguna segir Hanna Katrín Friðriksson, fyrsti flutningsmaður hennar: „Við höfum nú tækifæri til að skapa sátt um þessa mikilvægu atvinnugrein, líkt og kallað hefur verið eftir í áratugi, og ryðja á ný brautina á sviði arðbærni og sjálfbærni í fiskveiðum.“

Í greinargerð með tillögunni segir: „Tímabundinn afnotaréttur er forsenda þess að ná megi tveimur mikilvægum markmiðum, annars vegar að lögin endurspegli með ótvíræðum hætti eignarrétt þjóðarinnar og hins vegar að þau stuðli að sem mestri þjóðhagslegri hagkvæmni veiða. Þannig yrði komið á festu um varanleika aflahlutdeilda og umráðaréttur þjóðarinnar yfir auðlindinni um leið skýrt skilgreindur.“

Vill standa vörð um auðlindina

Í tillkynningu segir að Viðreisn vill standa vörð um auðlindina með því að nýta hana með sjálfbærum hætti og að sátt ríki um lagarammann sem útgerðir landsins starfi eftir. Viðreisn vilji einnig tryggja að gjaldið sem greitt er fyrir aðgang að auðlindinni sé í samræmi við arðsemi hennar, að rétturinn til að nýta auðlindina sé tímabundinn en ekki varanlegur og að einstaklingar og fyrirtæki geti ekki slegið eign sinni á það sem með réttu skal teljast sameign íslensku þjóðarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Katrín segist vinna á bak við tjöldin og ber Bjarna og Sigurði Inga góða sögu

Katrín segist vinna á bak við tjöldin og ber Bjarna og Sigurði Inga góða sögu
Eyjan
Fyrir 5 dögum

Úrskurður um ólögmæti smálána felldur úr gildi í Landsrétti

Úrskurður um ólögmæti smálána felldur úr gildi í Landsrétti
Eyjan
Fyrir 6 dögum

Trump tapaði tæpum 130 milljörðum á tveimur árum að sögn endurskoðanda hans

Trump tapaði tæpum 130 milljörðum á tveimur árum að sögn endurskoðanda hans
Eyjan
Fyrir 1 viku

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra

Þórdís Kolbrún heimsækir Kænugarð – Segir að Úkraína muni vinna þrátt fyrir sprengjuregn Rússa og villimannslega grimmd þeirra
Eyjan
Fyrir 1 viku

Segir umræðuna um verksmiðjuna á Þorlákshöfn hafa verið einhliða – Íslendingar geti ekki setið hjá varðandi loftlagsaðgerðir

Segir umræðuna um verksmiðjuna á Þorlákshöfn hafa verið einhliða – Íslendingar geti ekki setið hjá varðandi loftlagsaðgerðir
Eyjan
Fyrir 1 viku

Svavar til liðs við Hjálparstarf kirkjunnar

Svavar til liðs við Hjálparstarf kirkjunnar