Í síðustu viku fór Safnaþing fram á Austfjörðum. Meðal gesta var Lilja Alfreðsdóttir, menningarmálaráðherra. Hún kom gestum þingsins mjög á óvart þegar hún sagðist harma að hafa skipað Hörpu Þórsdóttur í embætti þjóðminjavarðar án undangenginnar auglýsingar.

Fréttablaðið skýrir frá þessu. Þegar Lilja skipaði Hörpu í embættið vísaði hún til undanþáguákvæðis í lögum sem heimilar að embættismenn séu færðir til.

Á Safnaþinginu sagði Lilja að hún hefði ekki staðið svona að skipuninni í embættið ef hún hefði vitað hver viðbrögðin í samfélaginu yrðu.

„Lilju var mjög mikið niðri fyrir. Hún harmaði að hafa fært til embættismann í starfi með þessum hætti, hefur Fréttablaðið eftir Ólöfu Gerði Sigfúsdóttur, formanni Íslandsdeilar ICOM, alþjóðaráðs safna, sem var vitni að yfirlýsingu Lilju ásamt tugum annarra.  Hún sagði að upplifun fólks hafi verið að Lilja sæi sannarlega eftir þessu.

Nánar er hægt að lesa um málið í Fréttablaðinu í dag.