fbpx
Miðvikudagur 25.maí 2022
Eyjan

Athyglisvert og átakanlegt segir Helga Vala um varnir stjórnarliða

Kristján Kristjánsson
Miðvikudaginn 4. maí 2022 08:45

Helga Vala Helgadóttir. Ljósmynd: Sigtryggur Ari/Fréttablaðið.

Ekki missa af Helstu tíðindum dagsins í pósthólfið þitt

Lesa nánar

„Það hefur verið athyglisvert og átakanlegt að fylgjast með stjórnarliðum verja söluna á 22,5% hlut almennings í Íslandsbanka. Það sem í upphafi var lýst sem vel heppnuðu útboði hefur nú birst sem lokað útboð til sérvalinna á vildarkjörum.“

Svona hefst pistill eftir Helgu Völu Helgadóttur, þingmann Samfylkingarinnar, í Morgunblaðinu í dag en hann ber fyrirsögnina „Fjármálaráðherra ber ábyrgðina“.

Segir Helga Vala að framkvæmd sölunnar sé brot á jafnræðisreglu laga um sölumeðferð ríkis í fjármálafyrirtækjum og hafi ráðherrar verið nokkuð beygðir eftir að upp komst um þær aðferðir sem beitt var. „Sögðu að „velta yrði við hverjum steini“, að „útboðið hafi ekki staðið undir væntingum“ og „að hefja þyrfti rannsókn á því sem hefði misfarist“. Sjálfur gerandinn, fjármálaráðherrann Bjarni Benediktsson, fyrirskipaði ríkisendurskoðun að hefja rannsókn,“ segir Helga Vala.

Hún segir að síðan þessar athugasemdir féllu hafi stjórnarliðar snúið við blaðinu og spyrji nú hvert sé vandamálið, hvort fjármálaráðherra sé bannað að selja pabba sínum hlut í bankanum. Þeir bendi á að bæti við fjármuni í þjóðarbúinu og spyrji hvort stjórnarandstaðan vilji frekar sleppa því að styðja við öryrkja og efla heilbrigðiskerfið.

„Það liggur fyrir að fjármálaráðherra var að selja eign almennings sem hefur gefið af sér umtalsverðan arð til reksturs grunnþjónustunnar. Við fáum auðvitað andvirði sölunnar til ráðstöfunar en það er forkastanlegt að selja hlut, þar sem umframeftirspurn er fyrir hendi, á lægra verði,“ segir Helga Vala og bendir á að undanþága laganna um lokað útboð hafi verið réttlætt fyrir Alþingi með þeim hætti að verið væri að sækja vel efnaða langtímafjárfesta. Fjárfesta sem gætu jafnvel komið bankanum til aðstoðar ef það myndi harðna í ári. Einnig hafi verið sagt að sölumeðferðin yrði ódýrari.

„Þetta útboð var ekki framkvæmt á jafnræðisgrundvelli og er það skýrt brot á lögum. Ef allir sem uppfylla sett skilyrði geta boðið í og fengið úthlutað í samræmi við það þá er jafnræðis gætt. Svo var alls ekki í þessu tilviki heldur voru sérvaldir fimm söluaðilar sem höfðu samband við sinn kúnnahóp og aðra ekki. Þau sem uppfylltu öll skilyrði, en voru ekki á lista þessara tilteknu seljenda, gátu því ekki boðið í. Jafnræðis var ekki gætt. Ef hinir handvöldu kaupendur hefðu svo allir uppfyllt skilyrðin um stórkaup til lengri tíma þá hefði mátt segja að a.m.k. það skilyrði hefði verið uppfyllt. Svo var heldur ekki því meðal kaupenda eru rúmlega 50 aðilar sem keyptu fyrir lægri fjárhæðir og þurftu sumir jafnvel að slá lán fyrir kaupunum,“ segir Helga Vala.

Hún rifjar því næst upp að Katrín Jakobsdóttir, forsætisráðherra, hafi sagt að gagnsæi þurfi að ríkja við sölu á ríkisfyrirtækjum en ljóst sé að ríkisstjórnin njóti ekki nauðsynlegs trausts til þess verks.

„Það þarf að fara ofan í saumana á öllu ferlinu, hverjir fengu að selja, hverjir voru fengnir til ráðgjafar fyrir milljónatugi án útboðs og loks hverjir fengu að kaupa á sérkjörum. Það eina sem enginn vafi leikur á er að fjármálaráðherra ber lagalega og pólitíska ábyrgð og því ber honum að víkja án tafar,“ segir hún síðan að lokum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Viaplay tryggir sér sýningarrétt á Championship-deildinni og enska deildabikarnum í 10 löndum.

Viaplay tryggir sér sýningarrétt á Championship-deildinni og enska deildabikarnum í 10 löndum.
Eyjan
Í gær

Framsóknarmenn sagðir pirraðir á klækjastjórnmálum í borginni – „Við getum vel verið í minnihluta líka“

Framsóknarmenn sagðir pirraðir á klækjastjórnmálum í borginni – „Við getum vel verið í minnihluta líka“
Eyjan
Fyrir 2 dögum

Sjálfstæðisflokkurinn virðist útilokaður frá meirihlutasamstarfi

Sjálfstæðisflokkurinn virðist útilokaður frá meirihlutasamstarfi
Eyjan
Fyrir 4 dögum

Farið að lengja eftir ákvörðun Framsóknarmanna um meirihlutaviðræður í borginni

Farið að lengja eftir ákvörðun Framsóknarmanna um meirihlutaviðræður í borginni
Eyjan
Fyrir 6 dögum

Orðið á götunni – Vinnustaðasálfræðingi tókst ekki að laga óeiningu innan Samfylkingarinnar

Orðið á götunni – Vinnustaðasálfræðingi tókst ekki að laga óeiningu innan Samfylkingarinnar
Eyjan
Fyrir 1 viku

Segir ekki klókt fyrir Framsókn að vinna eingöngu til hægri

Segir ekki klókt fyrir Framsókn að vinna eingöngu til hægri
Eyjan
Fyrir 1 viku

Orðið á götunni – Einar er ekki einn með Pálma í höndunum

Orðið á götunni – Einar er ekki einn með Pálma í höndunum
EyjanFastir pennar
Fyrir 1 viku

Björn Jón skrifar: Stjórnarmynstrið gengur ekki upp

Björn Jón skrifar: Stjórnarmynstrið gengur ekki upp
Eyjan
Fyrir 1 viku

„Líklega er almættið að segja mér að þetta sé ekki minn starfsgrundvöllur“

„Líklega er almættið að segja mér að þetta sé ekki minn starfsgrundvöllur“