fbpx
Miðvikudagur 25.maí 2022
Eyjan

„Heldurðu í alvörunni að þú komist upp með þetta?“

Eyjan
Föstudaginn 29. apríl 2022 11:22

Ekki missa af Helstu tíðindum dagsins í pósthólfið þitt

Lesa nánar

Björn Leví Gunnarsson, þingmaður Pírata, gekk hart að Bjarna Benediktssyni, fjármálaráðherra, á opnum fundi fjárlaganefndar í dag þar sem ráðherra set fyrir svörum vegna sölu á 22,5 prósenta hlut ríkisins í Íslandsbanka, en salan hefur harðlega verið gagnrýnd undanfarnar vikur.

Björn Leví spurði Bjarna út í það mat sem fór frá á tilboðsgjöfum og á hvaða grundvelli hafi verið ákveðið að skerða úthlutum fjárfesta með ólíkum hætti.

Síðan spurði Björn Leví:

„Bjarni heldurðu í alvörunni að þú komist upp með að selja pabba þínum banka eftir allt sem að hefur gengið á undan. Bara þú veist, vafninginn, Sjóð 9, sendiherrakapalinn, Falson og skýrsludótið. Bara eftir allt þetta vesen, sem þú og flokkurinn þinn er búinn að láta þjóðina ganga í gegnum á undanförnum áratug. Bara þú veist, allir aðrir, myndi maður halda, stjórnmálamenn, sem hafa bara svona snefil af virðingu fyrir siðmenntuðu samfélagi væru búnir að segja af sér út af hverju einasta máli í þessu. Heldurðu í alvörunni að þú komist upp með þetta?

Bjarni taldi spurninguna ekkert annað en áróður og mátti merkja að hann væri heldur óhress með spurninguna. Engu að síður svaraði hann henni og benti Birni Leví á að enginn annar þingmaður hefði fleiri atkvæði bak við sig en Bjarni sjálfur.

„Þetta er bara áróður sem þú ert að þylja hérna upp og þú flytur hann hérna inn í þessa nefnd líka. Og ég hef bara aldrei átt í vandræðum með það að mæta kjósendum í þessu landi, ganga í gegnum kosningar, mæta þér og öðrum mótframbjóðendum, svara fyrir mig og mín mál. Uppistaðan að öllu því sem þú ert að telja hér upp er áróður og nú gengum við til kosninga í september síðast liðnum, og þar var einn þingmaður sem fór með fleiri atkvæði á bak við sig heldur en nokkur annar sem fékk kosningu í þeim Alþingiskosningum og það var sá sem þú ert að tala við núna.“

Björn Leví spurði þá hvort Bjarni teldi það hollt íslensku samfélagi að fjármálaráðherra þeirra seldi banka til föður síns.

„Þetta er bara áróður sem þú ert að flytja hér, þetta er framsetning sem stenst ekki skoðun…“ sagði Bjarni þá en komst ekki lengra því Björn Leví greip fram í, líkt og margir aðrir höfðu gert á fundinum á undan honum. Bjarna til nokkurrar mæðu sem ítrekaði kvartaði undan því og virtist á köflum sjáanlega pirraður.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Viaplay tryggir sér sýningarrétt á Championship-deildinni og enska deildabikarnum í 10 löndum.

Viaplay tryggir sér sýningarrétt á Championship-deildinni og enska deildabikarnum í 10 löndum.
Eyjan
Í gær

Framsóknarmenn sagðir pirraðir á klækjastjórnmálum í borginni – „Við getum vel verið í minnihluta líka“

Framsóknarmenn sagðir pirraðir á klækjastjórnmálum í borginni – „Við getum vel verið í minnihluta líka“
Eyjan
Fyrir 2 dögum

Sjálfstæðisflokkurinn virðist útilokaður frá meirihlutasamstarfi

Sjálfstæðisflokkurinn virðist útilokaður frá meirihlutasamstarfi
Eyjan
Fyrir 4 dögum

Farið að lengja eftir ákvörðun Framsóknarmanna um meirihlutaviðræður í borginni

Farið að lengja eftir ákvörðun Framsóknarmanna um meirihlutaviðræður í borginni
Eyjan
Fyrir 6 dögum

Orðið á götunni – Vinnustaðasálfræðingi tókst ekki að laga óeiningu innan Samfylkingarinnar

Orðið á götunni – Vinnustaðasálfræðingi tókst ekki að laga óeiningu innan Samfylkingarinnar
Eyjan
Fyrir 1 viku

Segir ekki klókt fyrir Framsókn að vinna eingöngu til hægri

Segir ekki klókt fyrir Framsókn að vinna eingöngu til hægri
Eyjan
Fyrir 1 viku

Orðið á götunni – Einar er ekki einn með Pálma í höndunum

Orðið á götunni – Einar er ekki einn með Pálma í höndunum
EyjanFastir pennar
Fyrir 1 viku

Björn Jón skrifar: Stjórnarmynstrið gengur ekki upp

Björn Jón skrifar: Stjórnarmynstrið gengur ekki upp
Eyjan
Fyrir 1 viku

„Líklega er almættið að segja mér að þetta sé ekki minn starfsgrundvöllur“

„Líklega er almættið að segja mér að þetta sé ekki minn starfsgrundvöllur“