Fyrrum varaforseti hans Mike Pence, fyrrum utanríkisráðherra hans Mike Pompeo, fyrrum dómsmálaráðherra hans William Barr og John Bolton, fyrrum þjóðaröryggisráðgjafi Trump, tilheyra allir þessum sístækkandi hóp. The Guardian skýrir frá þessu.
Aukin kraftur hefur færst í þennan hóp eftir að úrslit þingkosninganna fyrr í mánuðinum lágu fyrir. Repúblikanar áttu þá von á að vinna stórsigur en svo fór ekki.
„Það eru margar ástæður til að vera á móti Trump sem forsetaframbjóðanda en það sem ég heyri um allt land, þegar ég ræði við stuðningsfólk mína og aðra um það sem gerðist í kosningunum, er að mjög margir hafa slökkt á Trump í höfði sér,“ sagði Bolton.
Þeir sem gagnrýna Trump benda á að Repúblikanar hafi misst meirihlutann í fulltrúadeildinni 2018, meirihlutann í öldungadeildinni og forsetaembættið 2020 og hafi ekki náð meirihluta í öldungadeildinni á þessu ári.
„Ef við losnum við Trump getum við farið að vinna kosningar. Ef við höldum honum, höldum við áfram að tapa,“ sagði Paul Ryan, fyrrum forseti fulltrúadeildarinnar og Repúblikani, í samtali við ABC News.
Bolton sagðist hafa gert eigin skoðanakannanir sem hafi sýnt minni stuðning við Trump innan flokksins síðustu tvö ár. Hann segir að allt að helmingur kjósenda flokksins vilji fá nýtt andlit í forystu flokksins.
