Samkvæmt fréttatilkynningu frá Landsvirkjun hafa allar skerðingar til raforkukaupenda hafa nú verið afnumdar. Ástæðan er sú að vatnsstaðan í miðlunarlónum Landsvirkjunar fer hratt batnandi. Í ljósi þess hefur Landsvirkjun nú tilkynnt fiskimjölsverksmiðjum og fiskþurrkunum að skerðingar á afhendingu til þeirra séu afturkallaðar.

Í tilkynningunni segir að þar með ljúki einum erfiðasta vetri í vinnslukerfi Landsvirkjunar, en strax í desember þurfti fyrirtækið að grípa til takmarkana í afhendingu á rafmagni vegna lélegs vatnafars.  Nægur snjór er núna á hálendinu eftir mikla úrkomu í vetur.  Hlýindi og rigning á landinu í lok mars og nú aftur um páskana hefur skilað hluta snævarins  inn í miðlunarlónin.  Þetta er að gerast tiltölulega snemma vors.  Horfur um fyllingu miðlunarlóna er góð, en jökulbráðnun seinni hluta sumar ákvarðar hvort þau nái að fyllast alveg í haust.