Þingmaðurinn Brynjar Níelsson segist eiga erfitt með að skilja nýjustu sóttvarnatakmarkanir. Nú sé 500 manns heimilt að koma saman hvenær sem er en engu að síður mega barir og veitingastaðir – sem rúmi töluvert færri en 500 manns að jafnaði – megi aðeins hafa opið til miðnættis.
„Ég er enn að reyna að skilja rökin fyrir því að lagi sé að 500 manns geti komið saman hvenær sem er sólarhringsins en barir og veitingastaðir mega aðeins vera opnir til miðnættis þótt miklu færri komi þar saman,“ skrifar Brynjar.
Reynir hann að sjá fyrir sér hvaða ástæður gætu verið að baki þessum mismun. Þar dettur honum aðeins tvennt í hug.
„Það eru aðeins tvennt sem getur skýrt þessa rökleysu og stjórnlyndi. Annars vegar neikvæð afstaða til öldurhúsa. Svandís og Þórólfur vita jafnvel og ég að menn kyssast og faðmast miklu meira í 500 manna afmælisveislu en ókunnugir á bar, sérstaklega á síðustu og verstu tímum.
Hins vegar sú skýring, sem mér finnst líklegri, er að þau vita að á börum og veitingahúsum er helst það fólk sem ég næ til í kosningabaráttunni. Þetta er augljóst samsæri gegn mér.“
