fbpx
Mánudagur 20.september 2021
Eyjan

Frambjóðandi gagnrýnir atvinnulausa – „Ábyrgð hvers og eins að nýta sér ekki vel­ferðar­kerf­in að nauðsynja­lausu“

Ágúst Borgþór Sverrisson
Laugardaginn 28. ágúst 2021 08:25

Ekki missa af Helstu tíðindum dagsins í pósthólfið þitt

Lesa nánar

„Það er ábyrgð hvers og eins að nýta sér ekki vel­ferðar­kerf­in að nauðsynja­lausu, það stuðlar að því að fólk sem mæt­ir ofjarli sín­um í líki fá­tækt­ar eða sjúk­dóma fær minni aðstoð en það þarf. Þannig fest­ist sam­fé­lagið í víta­hring þegar hjálpa á þeim sem minnst­an hlut bera úr být­um og á því töp­um við öll,“ segir Björgvin Jóhannesson í aðsendri grein í Morgunblaðinu í dag. Björgvin er fjármálastjóri og frambjóðandi í fjórða sæti á lista Sjálfstæðisflokksins í Suðurkjördæmi.

Björgvin segir ánægjulegt að sjá fyrirtæki sem neyddust til að draga saman seglin í fyrri bylgjum kórónuveirufaraldursins ná styrk sínum á ný. Endurráðningar hafi gengið vel en atvinnuleysi hafi þó verið 6,1% í júlí. Það þýðir um 12.500 manns án atvinnu. Björgvin segir þetta hærri atvinnuleysistölur en við séum vön á Íslandi og mikilvægt sé að ná þeim niður.

Hins vegar sé ástandið þannig að helsta vandamál atvinnurekenda sé að fá fólk til starfa. Það skjóti skökku við í sex prósent atvinnuleysi. Vanti fólk til starfa í ferðaþjónustu, iðnaði, verslun og þjónustu um allt land. Björgvin segir:

„Afar skipt­ar skoðanir eru um ár­ang­ur úrræðis­ins „Hefj­um störf“ og mörg dæmi um að fyr­ir­tæki nái ekki sam­bandi við fólk á at­vinnu­leys­is­skrá, það er ým­ist statt er­lend­is eða hef­ur ein­fald­lega ekki áhuga á að þiggja starfið. Rekstr­araðilar hafa neyðst til að skerða af­greiðslu­tíma hjá sér því ekki tekst að manna stöður og at­vinnu­aug­lýs­ing­ar fá lít­il sem eng­in viðbrögð, þrátt fyr­ir að í boði séu laun á við tvö­fald­ar at­vinnu­leys­is­bæt­ur. Hvað veld­ur þessu?“

Björgvin telur slæma hugarfarsbreytingu hafa rutt sértil rúms hér á landi gagnvart atvinnu og atvinnuleysisbótum, að taka ekki þeirri vinnu sem býðst hverju sinni.

Björgvin segir að misnotkun á velferðarkerfum valdi því að þeir sem sannarlega þurfi á þeim að halda fái minni aðstoð en þeir þurfa.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Aðalheiður segir að ekkert sé að óttast við ESB-aðild

Aðalheiður segir að ekkert sé að óttast við ESB-aðild
Eyjan
Fyrir 3 dögum

Ole segir Framsóknarflokkinn vera gamlan og steinrunninn bændaflokk sem standi fyrir einangrunarstefnu og kyrrstöðu

Ole segir Framsóknarflokkinn vera gamlan og steinrunninn bændaflokk sem standi fyrir einangrunarstefnu og kyrrstöðu