Miðvikudagur 03.mars 2021
Eyjan

Segir að Guðlaugur Þór þurfi að færa rök fyrir sínu máli – „Stjórnmálamenn!… hættið að plata okkur“

Máni Snær Þorláksson
Sunnudaginn 7. febrúar 2021 18:00

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

„Nú keppast fjölmiðlar við að gera upp forsetatíð Trumps. Miðillinn Fact Checker sem hefur fylgst með honum allt kjörtímabilið hefur fundið út að 30.573 sinnum sagði hann ósatt eða var með villandi fullyrðingar, sem þýðir að hann hafi farið með rangt mál 21 sinni á dag í þann 1.461 dag sem hann var forseti. Og það á aðeins við um það sem hann sagði opinberlega.“

Svona hefst pistill sem Thomas Möller skrifar og birtist í bakþönkum Fréttablaðsins en Thomas segir þetta vera góða áminningu fyrir leiðtoga í stjórnmálum, stofnunum og fyrirtækjum. „Það verður æ erfiðara að fara með rangt mál. Réttmæti fullyrðinga má kanna á Google og fjölmargir miðlar sérhæfa sig í sannreyningu eins og fyrrnefndur Fact Checker,“ segir Thomas.

„Að mínu mati er það einn mikilvægasti eiginleiki stjórnmálamanna og stjórnenda að segja satt og rétt frá málum. Ýkjur eða ósannindi komast upp um síðir. Það kemur þeim fyrr eða síðar í koll ef þeir verða uppvísir að því að segja ósatt. Það sannaðist til dæmis í hruninu, þegar almenningi var sagt að bankarnir væru fjárhagslega sterkir fram á síðasta dag.“

Þegar Thomas var að skrifa þennn pistil segist hann hafa lesið tvö viðtöl við Guðlaug Þór Þórðarsson utanríkisráðherra. Thomas segir að í viðtalinu hafi Guðlaugur fullyrt að vöruverð í landinu muni hækka tilfinnanlega við hugsanlega inngöngu Íslands í Evrópusambandið.

„Með einföldu gúgli fann ég ábendingu Hagstofunnar um að verðlag á Íslandi er nú þegar það hæsta í Evrópu eða um 20-66% hærra en að meðaltali í Evrópu. Mér finnst að ráðherrann þurfi að færa rök fyrir sínu máli, en það er ákveðin mótsögn falin í því að fullyrða að verðlag hér á landi muni hækka við það að ganga í samband þjóða þar sem verðlagið er þegar mun lægra fyrir,“ segir Thomas og kemur með sterk skilaboð að lokum. „Stjórnmálamenn!… hættið að plata okkur, það er svo auðvelt að afsanna rangar fullyrðingar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Fyrir 5 dögum

Fjölmiðlafræðibekkurinn settur á hliðina – „Djöfulsins viðbjóður“

Fjölmiðlafræðibekkurinn settur á hliðina – „Djöfulsins viðbjóður“
Eyjan
Fyrir 5 dögum

Segir nikótínpúða ræna ungmenni heilsunni – „Álíka mikið nikótín og í þremur sígarettum“

Segir nikótínpúða ræna ungmenni heilsunni – „Álíka mikið nikótín og í þremur sígarettum“
Eyjan
Fyrir 1 viku

Sjónvarpsstjórar segja að erlendar streymisveitur stundi undirboð og fái forskot hér á landi

Sjónvarpsstjórar segja að erlendar streymisveitur stundi undirboð og fái forskot hér á landi
Eyjan
Fyrir 1 viku

Hart tekist á um breyttar sóttvarnaaðgerðir í Danmörku – Segir stjórnarandstöðuna ekki taka faraldurinn alvarlega

Hart tekist á um breyttar sóttvarnaaðgerðir í Danmörku – Segir stjórnarandstöðuna ekki taka faraldurinn alvarlega