Stuðningur við ríkisstjórnina mælist nú 61,9% samkvæmt nýrri könnun MMR en stuðningurinn var tæplega tveimur prósentustigum lægri í síðustu könnun fyrirtækisins.
Fremur litlar breytingar eru á fylgi flokkanna frá síðustu mælingum en VG tapa þó hátt í 2% og Framsókn bætir við sig 0,7%. Samandregið eru helstu niðurstöður könnunarinnar eftirtaldar:
- Fylgi Sjálfstæðisflokksins mældist nú 22,5%, nær óbreytt frá síðustu fylgismælingu MMR.
- Fylgi Framsóknarflokksins mældist næst mest eða 18,2% og fylgdu Píratar þar á eftir með 12,4% fylgi en fylgi beggja þessara flokka reyndist einnig nær óbreytt frá síðustu mælingu.
- Fylgi Vinstri-grænna minnkaði um tæp tvö prósentustig frá síðustu mælingu og mældist nú 12,1% en fylgi annarra flokka mældist nær óbreytt.
- Stuðningur við ríkisstjórnina mældist nú 61,9%, tæplega tveimur prósentustigum hærra en í síðustu könnun þar sem stuðningur mældist 60,0%.
Samfylkingin og Viðreisn bæta aðeins við sig, Samfylkingin er með 11,1% og Viðreisn 9,0%.
Sjá nánar á vef MMR
