fbpx
Miðvikudagur 26.janúar 2022
Eyjan

Verkalýðs-Villi svarar Lækna-Tómasi og kemur stóriðjunni til varnar – „Nei fjandakornið“

Erla Dóra Magnúsdóttir
Þriðjudaginn 30. nóvember 2021 14:12

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Verkalýðsfélags Akraness, segir það ótrúlegt að Tómas Guðbjartsson, læknir og náttúruverndarsinni, séu á móti því að Ísland nýti sér tækifæri til að framleiða græna orku, græn orka sé stærsta framlag þjóðarinnar til umhverfismála. Eins bendir hann Tómasi á að stóriðjan á Íslandi skili upp undir 6000 fjölskyldum, með afleiddum störfum, lífsviðurværi. 

Þetta kemur fram í svari Vilhjálms til Tómasar sem birtist hjá Vísi.

Sjá einnig: Lækna-Tómas stórhneykslaður – „Eru menn búnir að gleyma hótunum Rio Tinto í Straumsvík?“

Eigum að vera stolt af álinu

Tómas skrifaði í gær grein þar sem hann furðaði sig á því að Vinstri Grænir hafi látið frá sér umhverfis- og loftslagsmál og samþykkt að sjálfstæðismaðurinn Guðlaugur Þór Þórðarson taki við málaflokkunum. Taldi Tómas ljóst að Guðlaugur myndi beita sér fyrir aukinni framleiðslu á grænni orku með tilheyrandi aukningu á umsvifum stóriðjunnar hér á landi.

Vilhjálmur furðar sig á því að umhverfissinnar séu á móti grænni orku. Sem dæmi nefnir Vilhjálmur að ál framleitt hér á landi sé með því hreinasta í heimi og framleitt með grænni orku fremur en með kolum sem mun umhverfisvænna. Ál sé það að auki umhverfisvænn málmur þar sem endurvinnsluhlutfall þess sé hátt.

„Já, okkar stærsta framlag til umhverfismála er að nota hér á landi græna vistvæna orku til að framleiða ál og við eigum að vera stolt af því.“

Hjartað í heilu byggðarlögunum

Orkufyrirtækin séu svo í eigu almennings og skili hagnaði sínum til þjóðarinnar. Auk þess skapi stóriðjan mörg störf hér á landi og eigi heilu byggðarlögin allt sitt undir slíkri starfsemi.

„Ég held á skrifum Tómasar megi enn og aftur skynja mikla andúð í garð stóriðjunnar sem skilar upp undir 6000 þúsund fjölskyldum með afleiddum störfum lífsviðurværi.

Ekki bara þessi mikilvægu gjaldeyrisskapandi stóriðja búi til lífsviðurværi fyrir þúsundir fjölskyldna heldur er þessi starfsemi hjartað í að dæla lífsviðurværi til heilu byggðarlaganna eins og okkur Vestlendinga sem og Austfirðinga.“

Nei, fjandakornið

Hjartað í efnahagslífi þjóðarinnar séu gjaldeyrisskapandi greinar á borð við ferðaþjónustuna, sjávarútveginn og orkusækinn iðnað. En þær greinar skapi milli 70 og 80 prósent gjaldeyristekna Íslands.

„Tómas sagði í fyrra að álverið í Straumsvík væri dauðvona og það væru góðar fréttir fyrir íslenska náttúru. Væri það góðar fréttir fyrir loftslagsvandamál heimsins að álverið í Straumsvík myndi loka og framleiðsla myndi færast til landa sem nota kol sem mega tífalt meira? Nei fjandakornið. Myndi það hjálpa Landsspítalanum að 35 milljarðar myndu hverfa úr íslensku hagkerfi, upphæð sem er eins og ein loðnuvertíð? Væru það góðar fréttir hundruð fjölskyldna sem myndu missa lífsviðurværi sitt ef álverinu væri lokið, nei fjandakornið.“

Öll störf eiga skilið virðingu

Vilhjálmur telur að stór hluti þjóðarinnar beri ómælda virðingu fyrir heilbrigðisstarfsfólki landsins en til að standa undir heilbrigðiskerfinu þurfi peninga.

„Ég er ekki í nokkrum vafa um að stór hluti íslensku þjóðarinnar ber ómælda virðingu fyrir íslensku heilbrigðisfólki og mönnum eins og lækna Tómasi sem hefur oft á tíðum unnið nánast kraftaverk við að bjarga mannslífum eins og fjölmargar fréttir staðfesta. En til að styðja við það góða og mikilvæga starf sem heilbrigðisfólk sinnir daglega þarf öflug gjaldeyrisskapandi fyrirtæki og við þurfum að sýna öllum störfum virðingu!“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Þjóðverjar eiga sérstakt vopn gegn ógnunum Rússa gegn Úkraínu en hika við að beita því

Þjóðverjar eiga sérstakt vopn gegn ógnunum Rússa gegn Úkraínu en hika við að beita því
Eyjan
Fyrir 2 dögum

Ásmundur Einar ekki „að tana á Tene“ heldur í einangrun með COVID

Ásmundur Einar ekki „að tana á Tene“ heldur í einangrun með COVID
Eyjan
Fyrir 3 dögum

Orðið á götunni: Kvennabylting í kortunum í prófkjörum Sjálfstæðisflokksins

Orðið á götunni: Kvennabylting í kortunum í prófkjörum Sjálfstæðisflokksins
EyjanFastir pennar
Fyrir 3 dögum

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni

Björn skrifar: Ótrúleg upplifun úr stúkunni í Búdapest – Íslendingar heilluðu alla í höllinni
Eyjan
Fyrir 6 dögum

Jóhann opinberar innihald bréfs sem ríkisstjórnin fékk en sagði ekki frá

Jóhann opinberar innihald bréfs sem ríkisstjórnin fékk en sagði ekki frá
Eyjan
Fyrir 6 dögum

Ingu Sæland úthúðað í harðorðu bréfi frá reiðum bónda – „Þér er nefnilega sama um fátæka bændur. Þú ert hræsnari“

Ingu Sæland úthúðað í harðorðu bréfi frá reiðum bónda – „Þér er nefnilega sama um fátæka bændur. Þú ert hræsnari“