Mánudagur 01.mars 2021
Eyjan

Alma sendir Lilju Dögg opið bréf – „Niðurstöður voru afgerandi, mikill meirihluti almennings er neikvæður“

Máni Snær Þorláksson
Miðvikudaginn 27. janúar 2021 16:01

Ekki missa af Helstu tíðindum dagsins í pósthólfið þitt

Lesa nánar

Alma Björk Hafsteinsdóttir hefur nú sent opið bréf til Lilju Daggar Alfreðsdóttur, mennta- og menningarmálaráðherra, en Alma sendi bréfið fyrir hönd Samtaka áhugafólks um spilafíkn.

Í bréfinu er óskað eftir afstöðu Lilju til reksturs spilakassa í fjáröflunarskyni fyrir Háskóla Íslands og jafnframt viðbrögðum við ummælum, annars vegar ummælum forstjóra Happdrættis Háskóla Íslands, og hins vegar ummælum dómsmálaráherra, um ábyrgð menntamálaráðherra í þessu efni. Þá birtir Alma einnig niðurstöður úr skoðanakönnun sem Gallup framkvæmdi á vegum samtakanna en þar kom skýrt fram að mikill meirihluti vill að spilakassar verði lokaðir.

Bréf Ölmu má lesa í heild sinni hér fyrir neðan:

Menntamálaráðherra, Lilja Alfreðsdóttir

Að gefnu tilefni óska Samtök áhugafólks um spilafíkn eftir afstöðu menntamálaráðherra til reksturs spilakassa í fjáröflunarskyni fyrir Háskóla Íslands og jafnframt viðbrögðum við ummælum, annars vegar forstjóra Happdrættis Háskóla Íslands, og hins vegar dómsmálaráherra, um ábyrgð menntamálaráðherra í þessu efni.

Vísað er sérstaklega til orða forstjóra Happdrættis Háskóla Íslands, Bryndísar Hrafnkelsdóttur, í Kompási þann 1. desember 2020þar sem hún sagði að rekstur spilakassa væri ákvörðun stjórnvalda, menntamálaráðuneytis, og það væri lögbundið hlutverk HHÍ að standa að rekstri spilakassa til að fjármagna byggingar Háskóla Íslands. Í orðum forstjórans lá að ábyrgðin væri stjórnvalda og menntamálaráðherra sérstaklega.

Þá er vísað í viðtal við kvöldfréttir Stöðvar tvö þann 9. desember 2020 þar sem dómsmálaráðherra segir að ef HHÍ vilji hætta rekstri spilakassa þá sé það á ábyrgð menntamálaráðherra:„Ef þau vilja hætta þessari starfsemi þá er það auðvitað eitthvað sem hægt er að ræða, væntanlega, við menntamálaráðherra”.

Framangreind ummæli hafa komið fram opinberlega og er mælst til þess að menntamálaráðherra svari þeim einnig opinberlega.

Samtök áhugafólks um spilafíkn fengu Gallup til að kanna viðhorf almennings til spilakassa og spilasala á Íslandi dagana 30. apríl –11. maí 2020. Niðurstöður voru afgerandi, mikill meirihluti almennings er neikvæður gagnvart því að fjármagna starfsemi í almannaþágu með spilakössum, vill að spilakassar loki til frambúðar,og er ekki að nota spilakassa. Þetta staðfestir það sem við hjá SÁS höfum haldið fram, mjög afmarkaður og lítill hópur er að leggja allt sitt í spilakassa HHÍ

Spurt var: Hversu oft hefur þú spilað í spilakössum á Íslandi á síðastliðnum 12 mánuðum.

Aldrei 93,6%

1-2 sinnum 5,5 %

3-10 sinnum 0,5%

11-50 sinnum 0,3%

Spurt var: Vegna Covid-19 hafa spilakassar verið lokaðir síðan 16. mars, myndir þú vilja hafa spilakassa lokaða til frambúðar á Íslandi eða vilt þú að þeir opni aftur eftir Covid-19?

Já, ég myndi kjósa að spilakassar og spilasalir yrðu áfram lokaðir 85,8%

Nei, ég vil að spilakassar og spilasalir verði opnaðir aftur eftir Covid-19 14,2%

Spurt var: Almennt séð hversu jákvæður(ur) eða neikvæð(ur) ert þú gagnvart því að fjármagna starfsemi í almannaþágu á Íslandi með spilakössum?

Jákvæð(ur) (mjög og frekar) 9,0%

Hvorki né 19,7% Neikvæð(ur) (mjög eða frekar) 71,3%

Þar sem erindi þetta snýr að fleiri ráðuneytumen menntamálaráðuneyti er samrit sent á dómsmálaráðherra og forsætisráðherra,með ósk um að það verðikynnt og rætt í ríkisstjórn

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Fyrir 3 dögum

Fjölmiðlafræðibekkurinn settur á hliðina – „Djöfulsins viðbjóður“

Fjölmiðlafræðibekkurinn settur á hliðina – „Djöfulsins viðbjóður“
Eyjan
Fyrir 3 dögum

Segir nikótínpúða ræna ungmenni heilsunni – „Álíka mikið nikótín og í þremur sígarettum“

Segir nikótínpúða ræna ungmenni heilsunni – „Álíka mikið nikótín og í þremur sígarettum“
Eyjan
Fyrir 4 dögum

Starfsfólk utanríkisþjónustunnar flutt yfir hálfan hnöttinn í bólusetningu

Starfsfólk utanríkisþjónustunnar flutt yfir hálfan hnöttinn í bólusetningu
Eyjan
Fyrir 4 dögum

Telur ríkisstjórnina þurfa að grípa til aðgerða strax – Annars gæti vanda­mál af áður óþekktri stærð blasað við

Telur ríkisstjórnina þurfa að grípa til aðgerða strax – Annars gæti vanda­mál af áður óþekktri stærð blasað við
Eyjan
Fyrir 1 viku

„Þarflaus grimmd“- Sif sakar Bjarna um vitsmunalega leti – Sala Íslandsbanka „eins og að troða fóðri ofan í gæs“

„Þarflaus grimmd“- Sif sakar Bjarna um vitsmunalega leti – Sala Íslandsbanka „eins og að troða fóðri ofan í gæs“
Eyjan
Fyrir 1 viku

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“