fbpx
Föstudagur 24.september 2021
Eyjan

Formaður Samfylkingarinnar sagður vera í miklum vandræðum

Ágúst Borgþór Sverrisson
Þriðjudaginn 6. júlí 2021 19:00

Logi Einarsson, formaður Samfylkingarinnar

Ekki missa af Helstu tíðindum dagsins í pósthólfið þitt

Lesa nánar

Björn Ingi Hrafnsson, ritstjóri Viljans, hefur eftir ónefndum Samfylkingarmanni að almennir flokksmenn í Samfylkingunni hafi heilt yfir litla trú á formanni sínum, Loga Einarssyni. Þetta kemur fram í pistli á Viljanum, sem hefst á þessum orðum:

„Samfylkingin er í logandi vandræðum nú þegar styttist í haustkosningar. Fylgið er í frjálsu falli eftir að hafa verið með allra bærilegasta móti stóran hluta kjörtímabilsins og uppstillingar í einstökum kjördæmum hafa skilið eftir sig djúp sár.“

Skoðanakannanir sýna mjög dvínandi fylgi Samfylkingarinnar og í síðustu könnun Gallup var það komið undir 10 prósent. Framan af kjörtímabilinu stefndi í góðan sigur flokksins í næstu kosningum. Skoðanakannanir sýndu fyrst hrapandi fylgi flokksins eftir birtingu framboðslista í Reykjavík sem voru ákveðnir af uppstillingarnefnd en ekki voru haldin prófkjör. Var þar nokkrum reynslumiklum þingmönnum ýtt til hliðar og nýtt fólk tók efstu sætin. Þetta olli sárindum og deilum.

Í pistli Viljans er því haldið fram að Logi hafi fært flokkinn lengra til vinstri en mörgum gamalgrónum krötum líki. Þá er því haldið fram að Samfylkingarmenn líti fremur til Katrínar  Jakobsdóttur, forsætisráðherra og formanns VG, sem leiðtoga en Loga. Logi sé hinn vænsti maður en hann hafi lítið roð við formönnum stjórnarflokkanna.

„Sagði þingmaðurinn að fáir innan Samfylkingarinnar trúi því í reynd að Logi geti orðið betri forsætisráðherra en hin vinstri græna Katrín og það sé stórt vandamál þegar styttist í kosningar,“ segir í pistlinum.

Er því spáð að Logi muni eiga erfitt uppdráttar í kappræðum við Kötu, Bjarna Ben og Sigurð Inga í kosningabaráttunni í haust.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

„Hef bara aldrei heyrt annað eins“: Erjur Gunnars Smára og Jakobs Bjarnars – „Hættu að gera út á þetta kjánalega hatur á fjölmiðlum“

„Hef bara aldrei heyrt annað eins“: Erjur Gunnars Smára og Jakobs Bjarnars – „Hættu að gera út á þetta kjánalega hatur á fjölmiðlum“
Eyjan
Fyrir 2 dögum

„Sjálfstæðisflokkurinn er kominn mikið, mikið lengra til vinstri en fyrir tíu eða tuttugu árum“

„Sjálfstæðisflokkurinn er kominn mikið, mikið lengra til vinstri en fyrir tíu eða tuttugu árum“
Eyjan
Fyrir 2 dögum

Sjáðu greinina sem Gunnar Smári sagðist ekki muna eftir – Vildi einkavæða heilbrigðiskerfið í ljósi vel lukkaðrar bankaeinkavæðingar

Sjáðu greinina sem Gunnar Smári sagðist ekki muna eftir – Vildi einkavæða heilbrigðiskerfið í ljósi vel lukkaðrar bankaeinkavæðingar
Eyjan
Fyrir 2 dögum

Mogginn varar við vinstri stjórn – Segir það muni hafa alvarlegar afleiðingar á hag Íslendinga

Mogginn varar við vinstri stjórn – Segir það muni hafa alvarlegar afleiðingar á hag Íslendinga