fbpx
Miðvikudagur 28.október 2020
Eyjan

Punktar úr pólitík – Þetta bar hæst í vikunni

Ritstjórn Eyjunnar
Laugardaginn 19. september 2020 15:30

Ekki missa af Helstu tíðindum dagsins í pósthólfið þitt

Lesa nánar

Hiti virðist vera að færast í pólitíkina enda aðeins tvær vikur í þingsetningu. Ljóst er að komandi þing er síðasta þingár ríkisstjórnarinnar fyrir kosningar, en Katrín Jakobsdóttir hefur gefið það út að hún stefni á að boða til kosninga haustið 2021. Mörg stór mál úr stefnuskrá ríkisstjórnarinnar eru enn ókláruð, enda riðlaðist dagskrá nýliðins þings töluvert vegna útbreiðslu COVIDfaraldursins í upphafi árs

  • Helgi með COVID

Helgi Hrafn Gunnarsson, þingmaður Pírata, hefur greinst með COVID-19. Hann kveðst þó vera við ágætis heilsu en er kominn í einangrun. Alþingi kemur ekki saman fyrr en 1. október svo aðrir þingmenn þurfa ekki að sæta sóttkví.

  • Rósa hættir

Rósa Björk Brynjólfsdóttir þingmaður sagði sig úr þingflokki Vinstri grænna á fimmtudag. Ástæðan er málefni egypsku fjölskyldunnar sem vísa átti úr landi á miðvikudag. En Rósa var óánægð með að flokkur hennar hefði ekki beitt sér fyrir því að fjölskyldan fengi dvalarleyfi á Íslandi.

  • Ógleði í borgarstjórn

Vigdís Hauksdóttir, borgarfulltrúi Miðflokksins, átti ekki orð í vikunni vegna framgöngu Dóru Bjartar Guðjónsdóttur, oddvita Pírata, á borgarstjórnarfundi um meinta mútuþægni Eyþórs Arnalds, oddvita Sjálfstæðisflokks. Sagði hún að sér væri óglatt yfir ummælum Dóru og gekk af fundi borgarstjórnar á þriðjudag.

  • Varaformannsslagur í Samfylkingunni

Helga Vala Helgadóttir tilkynnti í vikunni að hún hygðist bjóða sig fram til varaformanns Samfylkingarinnar. Heiða Björg Hilmisdóttir er núverandi varaformaður og hefur ekki gefið neitt til kynna um að hún hyggist hætta. Því má fastlega búast við að slegist verði um varaformannsstöðuna á komandi landsfundi.

  • Áslaug Arna, martröð barna

Hart var tekist á um brottvísun egypsku barnafjölskyldunnar sem fara átti fram á miðvikudaginn á samstöðufundi á Austurvelli á þriðjudaginn. Hrópuðu mótmælendur meðal annars „Áslaug Arna, martröð barna“. Lögmaður fjölskyldunnar sagði í viðtali við DV að hann teldi afskiptaleysi Áslaugar vera þrælpólitískt í eðli sínu og væri til þess fallið að „stöðva blæðingu“ fylgis Sjálfstæðisflokks til Miðflokksins.

  • Benedikt snýr aftur

Benedikt Jóhannesson, fyrrverandi formaður Viðreisnar, ætlar að sækjast eftir að leiða lista Viðreisnar í einhverju kjördæmi á Suðvesturhorni í næstu þingkosningum. Hann segir þó ekki að hann sé að fara gegn Þorgerði Katrínu Gunnarsdót tur, formanni flokksins, og segir þau eiga í ágætis samstarfi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Sakar fólk um að tengja allt lögreglufólk við rasisma – „Óhugnanlegt að sjá hvernig ráðist er á konuna“

Sakar fólk um að tengja allt lögreglufólk við rasisma – „Óhugnanlegt að sjá hvernig ráðist er á konuna“
Eyjan
Fyrir 6 dögum

Segir frítt áfengi vera ástæðuna fyrir því að borgarstarfsmenn vilja aðstöðu á Vinnustofu Kjarvals – „Svarið er Hennessy VSOP“

Segir frítt áfengi vera ástæðuna fyrir því að borgarstarfsmenn vilja aðstöðu á Vinnustofu Kjarvals – „Svarið er Hennessy VSOP“
Eyjan
Fyrir 1 viku

Björn Ingi segir skrifstofufólk hafa leyft opnun líkamsræktarstöðva

Björn Ingi segir skrifstofufólk hafa leyft opnun líkamsræktarstöðva
Eyjan
Fyrir 1 viku

Katrín segir almenning hafa verið svikinn – „Hrægammar sem græða svo á neyðinni“

Katrín segir almenning hafa verið svikinn – „Hrægammar sem græða svo á neyðinni“