fbpx
Fimmtudagur 01.október 2020
Eyjan

Erlendir ferðamenn skiluðu 11 til 13 milljörðum í sumar – Innlend neysla bætti upp tekjutapið

Ágúst Borgþór Sverrisson
Þriðjudaginn 15. september 2020 15:41

Farþegar á Keflavíkurflugvelli Mynd/Valli

Ekki missa af Helstu tíðindum dagsins í pósthólfið þitt

Lesa nánar

Starfshópur hefur skilað skýrslu um áhrif  kórónuveirufaraldursins og sóttvarna á efnahagslífið. Starfshópinn skipa Már Guðmundsson, fyrrverandi seðlabankastjóri, Tómas Brynjólfsson, skrifstofustjóri skrifstofu efnahagsmála í fjármála- og efnahagsráðuneytinu og Ásdís Kristjánsdóttir, aðstoðarframkvæmdastjóri Samtaka atvinnulífsins.

Í skýrslu hópsins kemur meðal annars fram að tekjur ferðaþjónustunnar dragast saman um 60% fyrstu níu mánuði ársins. Þann hluta sumarsins þegar sem vægari aðgerðir á landamærum voru í gildi og hægt var að komast inn í landið án þess að fara í sóttkví, en vera skimaður á Keflavíkurflugvelli, þá voru tekjur af erlendum ferðamönnum 11 til 13 milljarðar. Þetta tímabil var frá 15. júní til 19. ágúst.

Einkaneysla tók vel við sér eftir að faraldurinn gaf eftir í vor og slakað var á samkomubanni snemma í maí. Talið er að vöxtur í tekjum þjóðarbúsins af innlendri einkaneyslu eftir að slakað var á samkomubanni hafi verið svipaður að stærð og samdráttur í þjóðartekjum vegna minni einkaneyslu á meðan samkomubanninu stóð.

Hópurinn segir að skýra þurfi markmið sóttvarnaaðgerða og auka fyrirsjáanleika. Orðrétt segir um þetta í greinargerð frá hópnum:

„Dragist óvissa á langinn getur það haft alvarleg og langvarandi áhrif. Stjórnvöld gegna að mati hópsins lykilhlutverki í að sporna gegn frekara tjóni, t.d. með því að dreifa byrðum áfallsins, skapa skilyrði til að fullnýta framleiðsluþætti þegar aðstæður leyfa, vernda samband atvinnurekenda og starfsfólks, standa vörð um viðskiptasambönd og tryggja að mikilvæg þekking og reynsla glatist ekki á meðan ástandið varir.

Ábendingar hópsins eru:

  • Að gagnlegt væri að útskýra markmið sóttvarnaaðgerða betur.
  • Til bóta væri að auka fyrirsjáanleika um sóttvarnaaðgerðir eftir því sem við verður komið.
  • Að skoða hvort aðrar sóttvarnaaðgerðir á landamærum séu mögulegar án þess að taka of mikla áhættu fyrir þróun faraldursins erlendis.
  • Að skoða gaumgæfilega leiðir til að veita ferðaþjónustu stuðning til að viðhalda reynslu, þekkingu og viðskiptasamböndum á meðan ástandið varir.“

 

Sjá nánar á vef Stjórnarráðs

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Viðreisn: „Meinsemd íslenskra stjórnmála er kjarkleysi „

Viðreisn: „Meinsemd íslenskra stjórnmála er kjarkleysi „
Eyjan
Fyrir 5 dögum

Þorgerður Katrín endurkjörin

Þorgerður Katrín endurkjörin