fbpx
Föstudagur 25.september 2020
Eyjan

Gunnar Bragi um svar Helga Seljan – „Ég leyfi mér hins veg­ar að glotta smá“

Jón Þór Stefánsson
Miðvikudaginn 12. ágúst 2020 09:55

Ekki missa af Helstu tíðindum dagsins í pósthólfið þitt

Lesa nánar

Gunnar Bragi Sveinsson, þingmaður Miðflokksins tjáði sig aðeins um þátt Samherja um seðlabankamálið svokallaða, sem birtist á Youtube-rás fyrirtækisins í gær. Í pistli Gunnars í Morgunblaðinu segist hann hafa ákveðið að „fella ekki dóma“ fyrr en málið yrði rannsakað, ákært eða jafnvel dæmt í því. Hann segist ætla að halda í sömu viðbrögð vegna myndbands Samherja, sem að varðar „aðför“ ríkisútvarpsins að fyrirtækinu.

„Mörg­um er mikið niðri fyr­ir vegna mynd­bands Sam­herja hf. þar sem aðför Seðlabank­ans og mögu­lega Rík­is­út­varps­ins er sett í nýtt ljós. Þegar meint­ar mútu­greiðslur fyr­ir­tæk­is­ins í Namib­íu komust í há­mæli sagði ég að ég ætlaði ekki að fella dóma fyrr en málið væri rann­sakað, mögu­lega ákært og dæmt í því. Sama ætla ég að gera varðandi Rík­is­út­varpið og þátt frétta­manns þess í aðför Seðlabank­ans að fyr­ir­tæk­inu sem bank­inn varð á end­an­um að at­hlægi fyr­ir. Ég ætla ekki að dæma um­rædd­an frétta­mann fyrr en allt er komið fram. Ég leyfi mér hins veg­ar að glotta smá vegna kvört­un­ar hans yfir því að upp­tak­an með hon­um sé „sund­urklippt“.“

Líkt og kemur fram hér að ofan ræðir Gunnar Bragi blaðamanninn Helga Seljan, sem hann segist ekki ætla að dæma, þó hann glotti vegna „kvörtunar“ hans. Þar á Gunnar við um svar Helga við ásökunum Samherja, þar sem að segir:

„Það er ekki bara rangt, heldur einkar bíræfið hvernig því er haldið fram í „þætti“ Samherja að umrætt skjal hafi verið falsað. Raunar kallast þessar kenningar þeirra á í myndbandinu. Það er ýmist sagt falsað, eða því breytt. Hvort tveggja er rangt. Sundurklippt ummæli um að átt hafi verið við skjalið, vísa eingöngu til þess að áður en það var birt voru persónugreinanlegar upplýsingar, sem hefðu getað vísað á heimildarmann, afmáðar af því.“

Gunnar Bragi vitnar þá í ónefndan fjölmiðla-vin sinn sem að segir að hlutverk blaðamanna sé að segja fréttir frekar en að búa til fréttir. Gunnar fullyrðir ekki að honum þyki Helgi vera að búa til frétt, hann segir að það muni koma í ljós. Hann segir þó að slíkt hafi áður gerst.

„Góður vin­ur minn sem unnið hef­ur á fjöl­miðlum lengi sagði eitt sinn að blaðamenn (frétta­menn) ættu ekki að búa til frétt­ir held­ur segja frétt­ir. Nú hef ég ekki hug­mynd um hvort starfsmaður Rík­is­út­varps­ins var að búa til frétt eða ekki, það mun koma í ljós en það hef­ur vit­an­lega gerst að blaðamenn hafi búið til frétt­ir. Þegar mót­mæl­in stóðu sem hæst í hrun­inu bað fréttamaður Rík­is­út­varps­ins mót­mæl­end­ur að end­ur­taka ákveðinn gjörn­ing svo hann næðist í mynd. Blaðamaður Frétta­blaðsins skrifaði eitt sinn langa „frétt“ um Alþingi sem reynd­ist svo allt sam­an „henn­ar til­finn­ing“. Fleira mætti nefna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 2 dögum

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“

Segir forsendur lífskjarasamninga brostnar – „Þetta er ekki „grímulaus hræðsluáróður auðvaldsins“
Eyjan
Fyrir 2 dögum

Neikvæð raunávöxtun milljarðatuga innlána heimilanna

Neikvæð raunávöxtun milljarðatuga innlána heimilanna
Eyjan
Fyrir 3 dögum

Sjúkrahúsprestur Þjóðkirkjunnar: „Kirkjan ekki tekið neina afstöðu til dánaraðstoðar“

Sjúkrahúsprestur Þjóðkirkjunnar: „Kirkjan ekki tekið neina afstöðu til dánaraðstoðar“
Eyjan
Fyrir 4 dögum

Nokkur spjót standa á Dóru Björt fyrir ummælin um Eyþór og miðbæinn á Selfossi

Nokkur spjót standa á Dóru Björt fyrir ummælin um Eyþór og miðbæinn á Selfossi