fbpx
Laugardagur 11.júlí 2020
Eyjan

Sakar Icelandair um að ljúga og svíkja endurgreiðslur -„Viðskiptavinir eru látnir fjármagna félagið“

Trausti Salvar Kristjánsson
Miðvikudaginn 24. júní 2020 15:00

Ekki missa af Helstu tíðindum dagsins í pósthólfið þitt

Lesa nánar

Stefán Einar Stefánsson, ritstjóri ViðskiptaMoggans, fer hörðum orðum um Icelandair í skoðanadálki blaðsins í dag.

Hann segir að þeir viðskiptavinir sem keypt hafi ferðir hjá félaginu fái aðeins inneignir í stað þess að fá endurgreitt, þó þeir eigi rétt á endurgreiðslu lögum samkvæmt og að skýringar Icelandair á töfum vegna endurgreiðslna séu ósannar:

„Fáir hafa fengið endurgreitt frá Icelandair frá því um miðjan mars. Félagið segir ósatt þegar það heldur því fram að álag á skrifstofum félagsins valdi töfunum. Hið rétta er að sviðnir viðskiptavinirnir eru látnir fjármagna félagið. Það er hins vegar ekki þeirra hlutverk. „

Skammgóður vermir

Stefán segir að inneignirnar sem félagið vilji ekki endurgreiða séu notaðar til að fjármagna starfsemi Icelandair, en rekstur félagsins hefur sem kunnugt er staðið á brauðfótum í kjölfar covid-19.

Hann telur þó að inneignirnar gætu komið flugfélaginu í koll síðar meir:

„Hlaðast þær inneignir nú upp sem skuld í bókum félagsins og ljóst að það mun þurfa að fljúga með þúsundir farþega til og frá landinu á komandi misserum án þess að hljóta frekari greiðslu fyrir. Það verður mögulega léttvægt fyrir félagið meðan eftirspurn helst veik en mun reyna meira á þegar sætanýting tekur að aukast á nýjan leik. Hins vegar hafa þúsundir farþega krafið félagið um endurgreiðslu, sem þeir eiga skýlausan rétt til. Nemur endurgreiðslukrafan milljörðum króna nú þegar. Samkvæmt lögum ber félaginu að endurgreiða miðaverðið að fullu innan sjö daga frá því að krafan þar um er lögð fram. Fáir hafa fengið endurgreitt frá Icelandair frá því um miðjan mars.“

Beiðni um endurgreiðslu

Neytendur eiga rétt á því að fá pakkaferðir endurgreiddar innan 14 daga frá því hún er felld niður og flug  innan sjö daga frá niðurfellingu.

Á heimasíðu Icelandair gefst viðskiptavinum færi á að sækja um endurgreiðslu. Þar er hún sögð í boði að hluta, eða í heild:

„Ef þú sérð þér ekki fært að nýta bókaðan flugmiða gefst þér kostur á að fá fargjaldið endurgreitt, að heild eða hluta.

Við reynum að afgreiða allar endurgreiðslur innan skamms tíma, en í ljósi núverandi aðstæðna og þess mikla fjölda fyrirspurna sem okkur hefur borist, má búast við verulegum töfum á afgreiðslu þessara mála. Því er sennilegt að þú fáir endurgreiðsluna síðar en myndi alla jafna vera raunin.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti