fbpx
Laugardagur 15.ágúst 2020
Eyjan

Þórhildur Sunna: „You belong here, Bāh̄̒n khuṇ xyū̀ thī̀ nī̀, Wasz Dom jest tutaj, Dito ang bahay nyo“

Jón Þór Stefánsson
Þriðjudaginn 23. júní 2020 20:25

Ekki missa af Helstu tíðindum dagsins í pósthólfið þitt

Lesa nánar

Þórhildur Sunna Ævarsdóttir, þingmaður Pírata, fór hörðum orðum um ríkisstjórnina og þá sérstaklega Sjálfstæðisflokkinn, í ræðu sinni í eldhúsdagsumræðum sem fram fara nú á Alþingi.

Hún skaut bæði á Bjarna Benediktsson, fjármálaráðherra og Katrínu Jakobsdóttur, forsætisráðherra:

„Svo lítils virði er framlag hjúkrunarfræðinga í huga ráðherrans, að gerðardómur þarf nú í annað sinn að ákvarða laun þeirra. Vegna þess að í huga mannsins, sem er með næstum fjórföld meðallaun hjúkrunarfræðings, eru sanngjarnar kröfur þeirra um launahækkun út úr öllu korti, og eins víst að samfélagið fari á hliðina, ef gengið verður að þeim.

Og þetta frá manni sem fékk rúman hundrað þúsund kall í launahækkun á einu bretti, aðeins minni en helsta samverkakona hans í þessari ríkisstjórn, hæstvirtur forsætis- og jafnréttismálaráðherra, Katrín Jakobsdóttir.

Árið 2018 sagði þessi sami maður nákvæmlega sama hlutinn um kröfur ljósmæðra sem einnig hafa endað í gerðardómi tvisvar í röð. Hann gekk reyndar svo langt að neita að greiða þeim laun fyrir þá vinnu sem þær unnu í verkfallinu.“

Þórhildur lagði sérstaka áherslu á jaðarhópa í ræðu sinni. Hún sagði að valdhafar settu þau út í kuldann, en að það gæti breyst, valdaklíkan væri lítil á meðan að almenningur væri stór. Hún endaði ræðu sína á því að bjóða innflytjendur, flóttamenn og hælisleitendur velkomna á nokkrum mismunandi tungumálum, ensku, taílensku, pólsku og filippseysku (Tagalog)

„You belong here

Bāh̄̒n khuṇ xyū̀ thī̀ nī̀

Wasz Dom jest tutaj

Dito ang bahay nyo

Eða á Íslensku – Þið eigið heima hér. Því við sem byggjum Ísland viljum skapa réttlátt samfélag, þar sem allir sitja við sama borð þar sem ólíkur uppruni okkar auðgar heildina.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“