fbpx
Miðvikudagur 12.maí 2021
Eyjan

Segja Miðflokkinn halda Alþingi í gíslingu

Kristján Kristjánsson
Mánudaginn 22. júní 2020 08:00

Ekki missa af Helstu tíðindum dagsins í pósthólfið þitt

Lesa nánar

Ólíklegt er að hægt verði að ljúka þingstörfum á tilsettum tíma, það er næsta fimmtudag, að mati flestra þingflokksformanna. Þingflokksformenn stjórnarflokkanna segja þingmenn Miðflokksins halda þinginu í gíslingu með málþófi um samgönguáætlun en umræður um frumvarpið stóðu yfir fram á nótt á föstudaginn og allan laugardaginn.

Morgunblaðið skýrir frá þessu. Segist blaðið hafa heimildir fyrir að ekki sé full samstaða innan ríkisstjórnarflokkanna um öll stjórnarfrumvörp og ekki víst að hægt verði að afgreiða frumvarp um breytingar á sendiherraskipan og hlutdeildarlán fyrir sumarlok. Einnig þykir ljóst að ekki náist að koma frumvarpi um breytingar á útlendingalögum í gegnum þingið. Samkvæmt því verður hægt að flýta brottvísun hælisleitenda sem þegar hafa fengið vernd í öðru Evrópuríki.

Morgunblaðið hefur eftir  Birgi Ármannssyni, þingflokksformanni Sjálfstæðisflokksins, að óeðlilegt sé að umræður um eitt dagskrármál, samgönguáætlun, standi yfir í heila viku. Haft er eftir honum að Miðflokkurinn standi einn að málþófi en aðrir stjórnarandstöðuflokkar haldi sig til hlés í skjóli Miðflokksins og geri kröfur um að ríkisstjórnarmál verði tekin af dagskrá í ljósi þeirrar stöðu sem uppi er.

„Auðvitað er ljóst að þetta verða færri mál en við reiknuðum með fyrir einhverjum vikum síðan, en það er hins vegar ekki þannig að stjórnarandstaðan hafi ótakmarkað neitunarvald. Engin ríkisstjórn getur sætt sig við að minnihlutinn ráði ferðinni.“

Er haft eftir Birgi.

Blaðið hefur eftir Gunnari Braga Sveinssyni, þingflokksformanni Miðflokksins, að raunhæft sé að ljúka þingstörfum á fimmtudag, þetta snúist um hvaða mál meirihlutinn sé tilbúinn til að leggja áherslu á. Mörg þeirra geti auðveldlega beðið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Þrjú smit í gær
Eyjan
Fyrir 2 dögum

Vinnur skýrslu um leghálsskimanir – „Hafa breytingarnar vakið sterk viðbrögð í samfélaginu, ekki síst af hálfu kvenna“

Vinnur skýrslu um leghálsskimanir – „Hafa breytingarnar vakið sterk viðbrögð í samfélaginu, ekki síst af hálfu kvenna“
EyjanFastir pennar
Fyrir 2 dögum

Dómari tekur til máls

Dómari tekur til máls
Eyjan
Fyrir 1 viku

Play ætlar ekki að sigra heiminn – Lítið flugfélag sem á að skila góðri afkomu

Play ætlar ekki að sigra heiminn – Lítið flugfélag sem á að skila góðri afkomu
Eyjan
Fyrir 1 viku

Ísland hefur enn ekki viðurkennt þjóðarmorð Tyrkja á Armenum

Ísland hefur enn ekki viðurkennt þjóðarmorð Tyrkja á Armenum