fbpx
Laugardagur 11.júlí 2020
Eyjan

Guðmundur Franklín 2020 og Sigrún Þorsteinsdóttir 1988

Ritstjórn Eyjunnar
Laugardaginn 20. júní 2020 12:42

Guðmundur Franklín

Ekki missa af Helstu tíðindum dagsins í pósthólfið þitt

Lesa nánar

Björn Jón Bragason veltir því upp í pistli sínum í nýútkomnu helgarblaði DV að margt sé líkt með forsetakosningunum árið 1988 og þeim sem haldnar verða eftir viku, þar sem kosið verður á milli Guðna Th. Jóhannessonar forseta, og Guðmundar Franklín Jónssonar, viðskiptafræðings.

Margt bendir til þess að sömu örlög bíði Guðmundar Franklín og Sigrúnar Þorsteinsdóttur, sem bauð sig fram gegn Vigdísi Finnbogadóttur árið 1988, en samkvæmt nýjustu könnunum nýtur Guðni stuðnings 92% þjóðarinnar meðan Guðmundur fær um 8% stuðning:

„Vigdís Finnbogadóttir var sjálfkjörin 1984 eftir fjögur ár á forsetastóli, en 1988 brá svo við að Sigrúnu Þorsteinsdóttur úr Vestmannaeyjum tókst að safna tilskildum fjölda meðmælanda. Sigrún hafði starfað í Sjálfstæðisflokknum og síðar í Flokki mannsins. Hún kvaðst myndu vilja að forseti yrði miklu virkari í stjórnmálum og að hann ætti óspart að synja lagafrumvörpum staðfestingar,“

skrifar Björn Jón.

Þurfti að varast hroka

Vigdísi var vandi á höndum hvernig hún ætti að bera sig að gagnvart framboði Sigrúnar. Ekki yrði um mikla baráttu að ræða en Vigdís yrði að gæta sín að tala ekki þannig að hægt yrði að saka hana um hroka í garð Sigrúnar.

Björn Jón skrifar svo:

„Vigdís tók þá afstöðu að hafna óskum Sigrúnar um kosningafundi og sagði þjóðina geta dæmt sig af verkum sínum. En þrátt fyrir það hvöttu stuðningsmenn Vigdísar landsmenn til að mæta á kjörstað og sýna þannig í verki þakklæti fyrir hennar störf.“

Fordæmalaus stuðningur

Vigdís fékk í kosningunum mesta stuðning sem nokkur hefur hlotið í fosetakosningum hér á landi eða 92,7% greiddra atkvæða en Sigrún 5,3%. Kjörsókn var 72,4%.

Alls greiddu 117.292 manns Vigdísi atkvæði sitt, en enginn frambjóðandi hefur fyrr eða síðar fengið yfir 100 þúsund atkvæði.

Í pistlinum segir um kjörsóknina:

„Líklega varð 72,4% kjörsókn að teljast góð því fjöldi fólks var á ferðalögum þegar kosið var 25. júní 1988. Og sama dag var háður úrslitaleikur Evrópukeppninnar í knattspyrnu milli Hollands og Sovétríkjanna. Fróðlegt verður að sjá hver kjörsóknin verður í forsetakosningunum 27. júní nk. og atkvæðatölurnar sömuleiðis þó fáir efist um úrslitin.“

Nánar má lesa um málið í helgarblaði DV.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti