fbpx
Föstudagur 27.nóvember 2020
Eyjan

Umræður um samgönguáætlun og Borgarlínu – Þriðja málþóf Miðflokksins á kjörtímabilinu

Heimir Hannesson
Fimmtudaginn 18. júní 2020 23:18

Birgir Þórarinsson á Alþingi. Þess má geta að andvaka Íslendingar geta fylgst með umræðunum á vef Alþingis í beinni útsendingu. Mynd/skjáskot af vef Alþingis

Ekki missa af Helstu tíðindum dagsins í pósthólfið þitt

Lesa nánar

Sjö þingmenn Miðflokksins hafa skipst á í allt kvöld að ræða þingsályktunartillögu samgöngu- og sveitarstjórnarráðherra um fimm ára samgönguáætlun 2020-2024. Þingfundur hefur staðið síðan klukkan þrjú í dag og var ætlunin að komast yfir viðamikla dagskrá. Samgönguáætlun næstu fimm ára var fyrsti liður á dagskránni og hefur þingheimur ekki komist lengra. Ekkert lát á ræðuhöldum er í augnsýn enda bætast ræðumenn aftast á mælendaskrá umleið og þeir sleppa orðinu. Þannig er ljóst að Miðflokkurinn ætlar að hindra framgöngu málsins með málþófi.

Rétt um ár er liðið frá síðasta málþófi Miðflokksins. Lögðust þá Miðflokksmenn á eitt og reyndu að koma í veg fyrir að þingsályktunartillaga um svokallaðan þriðja orkupakka kæmist í gegnum aðra umræðu á þingi. Seinna það sama sumar beittu þeir sambærilegum aðgerðum til að koma í veg fyrir atkvæðagreiðslu um loftlagsmálafrumvarp umhverfisráðherra. Var við það tilefni haft eftir þingmanni Samfylkingar og kollega Miðflokksins í stjórnarandstöðu, Helgu Völu Helgadóttur: „Lífið er of gott fyrir málþóf.“

 

Sigmundur hefur flutt sjö ræður í kvöld og hvergi af baki dottinn.
mynd/skjáskot af vef Alþingis.

205 milljarða framlög á fimm árum

Þingsályktunartillagan gerir ráð fyrir að ráðstafa samtals 205 milljörðum króna af skattfé næstu fimm árin og því um gríðarlega umfangsmikla ráðstöfun að ræða. Hefur hún verið í meðferð Alþingis síðan í nóvember á síðast ári. Málið var afgreitt úr nefnd nú um miðjan júní og klofnaði minnihluti nefndarinnar og skiluðu Miðflokksmenn séráliti.

Gert er ráð fyrir 120 milljarða framlagi til nýframkvæmda Vegagerðarinnar og 51 milljarði í viðhald og rekstur vegakerfins. Fimm milljarðar verða settir í rekstrarframlag hafna í landinu og 30 milljarðar í þjónustu við vegakerfið, þar með talið vetrarþjónustu.

Borgarlínan stuðar

Styrkir til almenningssamgangna vegur þyngra í þessari samgönguáætlun en verið hefur því tæplega 17 milljarðar munu renna til niðurgreiðslna á almenningssamgöngum á næstu fimm árum. Er þar átt við niðurgreiddar ferjusiglingar, sérleyfisferðir á landi og niðurgreiðslur á innanlandsflugi sem er nýtt af nálinni. Fimm milljarðar eru eyrnarmerktir almenningssamgöngum á höfuðborgarsvæðinu og er þar um að ræða framlag ríkisins til þróunar Borgarlínu í Reykjavík og nágrenni.

Af ræðum miðflokksmanna í kvöld virðast þessi síðastnefndu atriði svíða mest. Hafa þeir haft á orði í ræðum sínum að aðför sé gerð að einkabíl með þessum styrkjum til almenningssamganga hér fyrir sunnan og virðist Borgarlínan ekki sækja miklar vinsældir í herbúðir Miðflokksins. Ólafur Ísleifsson sagðist til að mynda alls ekki vera á móti almenningssamgöngum, heldur bara Borgarlínunni.

Þegar þetta er skrifað eru sex þingmenn á mælendaskrá og stefnir Sigmundur Davíð að sinni áttundu ræðu. Allt eru þetta þingmenn Miðflokksins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Vill skerpa á reglum um böðun eftir kynferðisbrot

Vill skerpa á reglum um böðun eftir kynferðisbrot
Eyjan
Fyrir 5 dögum

Miðflokkurinn búinn að leggja niður varaformannsembættið – „Það getur bara hver lesið það í það sem hann vill“

Miðflokkurinn búinn að leggja niður varaformannsembættið – „Það getur bara hver lesið það í það sem hann vill“
Eyjan
Fyrir 1 viku

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“

Vilhjálmur með mikilvæg skilaboð – „Gríðarlegir hagsmunir í húfi fyrir skuldsett heimili“
Eyjan
Fyrir 1 viku

Leggja til að frítekjumark hækki í 300 þúsund

Leggja til að frítekjumark hækki í 300 þúsund
Eyjan
Fyrir 1 viku

„Mikilvægt skref í jafnræðisátt“ – Ása og Björg í Hæstarétt

„Mikilvægt skref í jafnræðisátt“ – Ása og Björg í Hæstarétt
Eyjan
Fyrir 1 viku

Steingrímur J. kveður brátt – Vinstri græn standa á krossgötum

Steingrímur J. kveður brátt – Vinstri græn standa á krossgötum
Eyjan
Fyrir 1 viku

Ólína lyftir hulunni – „Þessa bók þurfti að skrifa“

Ólína lyftir hulunni – „Þessa bók þurfti að skrifa“
Eyjan
Fyrir 1 viku

Upplýsingafulltrúi Íslenskrar erfðagreiningar segir Brynjari og Sigríði til syndanna – „Hvað eru þau eiginlega að leggja til?“

Upplýsingafulltrúi Íslenskrar erfðagreiningar segir Brynjari og Sigríði til syndanna – „Hvað eru þau eiginlega að leggja til?“