Tæplega 60% landsmanna styðja ríkisstjórnina ef marka má nýja skoðanakönnun Gallup. RÚV greinir frá en könnunin er ekki kominn upp á vef Gallup.

Fylgi flokka er lítið breytt frá síðustu könnun en bæði Miðflokkur og Sósíalistaflokkurinn tapa fylgi. Miðflokkur fer úr 14% niður í 11% og Sósíalistaflokkurinn úr 5% niður í 3%.

Sjálfstæðisflokkurinn er stærstur með 23%. Rúmlega 15% ætla að kjósa Samfylkinguna og rúmlega 13% Vinstri græn. Viðreisn fær 11%, Píratar rúmlega 10%, Framsóknarflokkurinn fær rúmlega 8% og Flokkur fólksins er með 4%.

Könnunin var gerð dagana 2. til 29. mars. Heildarúrtak var yfir 10.000 manns og ríflega helmingur tók þátt.