Samkvæmt spá Íslandsbanka og Samtaka ferðaþjónustunnar sem gerð var fyrir Morgunblaðið, gæti kórónuveirufaraldurinn orðið til þess að tekjutap ferðaþjónustunnar frá mars og út ágúst verði um 260 milljarðar króna. Er þá miðað við sama tíma í fyrra og að nær engar tekjur fáist af ferðamönnum hér á landi á tímabilinu. Morgunblaðið greinir frá.
Í fyrra var áætluð neysla erlendra ferðamanna um 208 milljarðar króna, sem jafngilti um 17% af samanlögðum gjaldeyristekjum Íslands.
Samkvæmt Jóni Bjarka Bentssyni aðalhagfræðings Íslandsbanka er sparnaðurinn í innfluttum aðföngum milli 20-25% af af heildartekjunum, eða um 60 milljarðar sem vegur á móti gjaldeyristapinu.
Jón setur tapið í samhengi við hvarf síldarinnar á seinni hluta sjöunda áratugarins, en sá skellur nam um 8-9% af landframleiðslu og reiknast í um 250 milljarða.
