Össur Skarphéðinsson, fyrrverandi utanríkisráðherra og formaður Samfylkingarinnar, mærir samstöðuna í borgarstjórn Reykjavíkur varðandi viðbrögð gegn Covid-19, en harmar viðmót ríkisstjórnarinnar í garð stjórnarandstöðunnar að sama skapi.
Þetta segir Össur í færslu á Facebook í dag:
„Dagur B. Eggertsson, hafði samráð við minnihlutann um aðgerðir til viðnáms við COVID-19 og tók inn prýðilegar tillögur Eyþórs&co. Samstaðan í borgarstjórn var til fyrirmyndar og myndin af þeim saman falleg. Katrín Jakobsdóttir hafði hins vegar ekki fyrir því að taka stjórnarandstöðuna á Alþingi inn í undirbúning sinna aðgerða nema til málamyndakynningar í lokin. Hvenær – ef ekki á svona tímum? Ég er ekki viss um að þetta sé vel fallið til að efla þá samstöðu sem þjóðin þarf nú á að halda. Að öðru leyti fá allir pre fyrir góða frammistöðu og einkum einvalaliðið í heilbrigðisgeiranum.“
Stjórnarandstaðan kynnti í dag hugmyndir sínar um 30 milljarða innspýtingu í efnahagslífið vegna áhrifa Covid-19, þar sem stjórnvöld væru ekki að gera nóg.
Sjá einnig: Stjórnarandstaðan vill að meira sé gert vegna Covid – 19 – Sameinast um 30 milljarða innspýtingu