Skáldsagan Brúin yfir Tangagötuna eftir Eirík Örn Norðdahl hefur vakið mikla athygli. Þetta er ástarsaga, býsna manneskjuleg, en líka bráðskemmtileg samtímalýsing á Ísafirði. En eins og höfundurinn sjálfur bendir á er eitt einkenni samtímans hvað hann staldrar stutt við:

„Bækur sem gerast í samtímanum eru misfljótar að verða bækur um fortíðina. Þessari lá fullmikið á.“

Vísað er í blaðsíðuna sem má sjá hér að ofan. Þar er talað um bæjarstjórann sem er „víkari“, semsé frá Bolungarvík. Engum sem þekkir til dylst að þarna er átt við Guðmund Gunnarsson bæjarstjóra.

En  það gerðist svona um það bil að bókin kom út að Guðmundur var rekinn úr embætti bæjarstjóra. Guðmundur svarar Eiríki reyndar sjálfur á Facebook og segir:

„Jæja? Sé ekki betur en að þessar mannlýsingar séu spot on. Annars er þetta þrusufín skrudda hjá þér. Nennirðu að skrifa aðra snöggvast? Mér leiðist.“