fbpx
Föstudagur 14.ágúst 2020
Eyjan

Starri veltir því fyrir sér hvort hann skipti minna máli en aðrir Íslendingar – „Með öllu óréttlætanlegt“

Ritstjórn Eyjunnar
Þriðjudaginn 11. febrúar 2020 11:01

Ekki missa af Helstu tíðindum dagsins í pósthólfið þitt

Lesa nánar

Fyrir nokkrum árum flutti Starri Reynisson, forseti Uppreisnar, ungliðahreyfingar Viðreisnar, frá Akranesi til Reykjavíkur. Í pistli sínum á Vísi, sem ber yfirskriftina Skipti ég minna máli? veltir hann því fyrir sér af hverju atkvæði hans skiptir minna máli eftir að hann flutti til höfuðborgarinnar. „Við þessa flutninga missti ég um það bil helminginn af atkvæði mínu í alþingiskosningum.“

„Minnkuðu lýðræðisleg réttindi mín allt í einu vegna þess að ég flutti suður fyrir Hvalfjörð?“ spyr Starri og heldur áfram. „Eru íbúar höfuðborgarsvæðisins ómerkilegra fólk en íbúar annara landshluta? Hvernig er það réttlætanlegt að kosningaréttur sé misjafn eftir búsetu?“

Starri segir að það þætti varla nokkurri manneskju þetta ásættanlegt ef um væri að ræða mismunun á öðrum réttindum og kemur síðan með dæmi. „Flestum þætti með öllu óréttlætanlegt ef íbúi í Hafnarfirði hefði tvo þriðju af tjáningarfrelsi íbúa á Hellu, eða ef íbúi í Safamýri hefði aðeins helming af eignarrétti Siglfirðings. Hvers vegna eru lýðræðisleg réttindi litin öðrum og léttvægari augum en önnur réttindi okkar?“

Hann bendir á að við búum í lýðræðisríki og segir að það sé eðlileg krafa að pólitískar skoðanir allra hafi jafnt vægi óháð búsetu. „Alþingi á að endurspegla bæði vilja þjóðarinnar og það hvernig hún er samsett á hverjum tíma. Það á að vera sjálfsagt að kennari á Kópaskeri og kórstjóri á Kársnesi hafi jafn mikið að segja um það hvernig samfélaginu er stjórnað. Meðan atkvæðavægi er ójafnt eftir landsvæðum getur það aldrei verið raunin.“

Starri botnar þá pistilinn með því að segja að það sé nauðsynlegt að gera breytingu á stjórnarskrá Íslands. Hann vill, ásamt skýru auðlindaákvæði, fá ákvæði um jafnt vægi atkvæða. „Þannig, og aðeins þannig, tryggjum við að raunverulegur vilji almennings endurspeglist í ákvörðunum stjórnvalda til framtíðar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 2 dögum

Gunnar Bragi um svar Helga Seljan – „Ég leyfi mér hins veg­ar að glotta smá“

Gunnar Bragi um svar Helga Seljan – „Ég leyfi mér hins veg­ar að glotta smá“