fbpx
Laugardagur 16.janúar 2021
Eyjan

Antony Blinken sagður verða næsti utanríkisráðherra Bandaríkjanna

Kristján Kristjánsson
Mánudaginn 23. nóvember 2020 05:24

Antony Blinken. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Joe Biden, verðandi forseti Bandaríkjanna, ætlar að skýra frá nöfnum nokkurra þeirra sem hann hefur valið til að gegna ráðherraembætti í ríkisstjórn sinni, sem tekur við völdum 20. janúar næstkomandi, á þriðjudaginn. Hann er sagður ætla að gera Antony Blinken, 58 ára, að utanríkisráðherra.

Bloomberg News hefur þetta eftir heimildarmönnum. Í gær skýrði Ron Klain, verðandi starfsmannastjóri Biden, frá því í sjónvarpsviðtali að Biden muni kynna nokkra af ráðherrum sínum á þriðjudaginn. Blinken starfaði fyrir þjóðaröryggisráðgjafa Barack Obama frá 2013 til 2015 og frá 2015 til 2017 var hann varautanríkisráðherra í stjórn Obama.

Reuters hefur eftir aðila, sem stendur Biden nærri, að Blinken sé langlíklegastur til að verða utanríkisráðherra í ríkisstjórn hans. Hann hefur árum saman verið einn af nánustu samstarfsmönnum Biden. Þeir sem þekkja til hans segja að hann sé diplómat fram í fingurgómana, skynsamur og yfirvegaður og mjög vel að sér varðandi utanríkisstefnu og málefni.

Í kjölfar ósigurs Hillary Clinton í forsetakosningunum 2016 var Blinken meðstofnandi að ráðgjafafyrirtæki sem veitir ráðgjöf um áhættu á alþjóðasviðinu varðandi stjórnmál.

Hann er menntaður lögfræðingur frá Harvard og hefur verið virkur í stjórnmálum frá lokum níunda áratugarins þegar hann tók þátt í fjáröflun fyrir kosningaframboð Michael Dukakis. Hann var ræðuskrifari fyrir Bill Clinton þegar hann gegndi forsetaembættinu.

En þrátt fyrir að Biden vilji fá Blinken sem utanríkisráðherra þá er ekki útséð með að hann verði það því öldungadeildin þarf að samþykkja ráðherra ríkisstjórnarinnar. Ekki liggur enn fyrir hvort það verða Demókratar eða Repúblikanar sem fara með meirihluta þar næstu tvö árin en niðurstaða mun fást í það í byrjun janúar þegar kosið verður um tvö sæti Georgíuríkis í öldungadeildinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Sparnaður Svandísar sagður lífshættulegur – „Hvernig verðmetum við líf yfir 30 kvenna?“

Sparnaður Svandísar sagður lífshættulegur – „Hvernig verðmetum við líf yfir 30 kvenna?“
Eyjan
Fyrir 4 dögum

Leiðarahöfundur Moggans kennir RUV um lokun fréttatíma Stöðvar 2

Leiðarahöfundur Moggans kennir RUV um lokun fréttatíma Stöðvar 2
Eyjan
Fyrir 5 dögum

Brynjar blandar sér í ritskoðunar-umræðuna – „Þetta er örugglega heimsmet í tvískinnungi og hræsni“

Brynjar blandar sér í ritskoðunar-umræðuna – „Þetta er örugglega heimsmet í tvískinnungi og hræsni“
Eyjan
Fyrir 5 dögum

Einlægur ráðherra opnar sig – „Ég ákvað að hætta að gráta í skól­an­um. Það var virki­lega erfitt“

Einlægur ráðherra opnar sig – „Ég ákvað að hætta að gráta í skól­an­um. Það var virki­lega erfitt“
Eyjan
Fyrir 1 viku

Leiðari Moggans vekur úlfúð – „Enginn sætt öðru eins einelti og Trump“

Leiðari Moggans vekur úlfúð – „Enginn sætt öðru eins einelti og Trump“
Eyjan
Fyrir 1 viku

Dökkar horfur í atvinnumálum – Líkur á miklu atvinnuleysi í vor

Dökkar horfur í atvinnumálum – Líkur á miklu atvinnuleysi í vor