Reynir Traustason, ritstjóri man.is og fyrrum ritstjóri DV, tekur Ásthildir Sturludóttir í kennslustund á vef sínum í dag. Rifjar hann þar upp ummæli Ásthildar um að höfuðborgarbúar ættu ekki að heimsækja bæinn og bera þannig smit með sér norður úr borginni. Þetta sagði hún í kvöldfréttum RUV 6. október síðastliðinn. Þar sagði hún jafnframt að ástæðan fyrir fáum smitum á Akureyri væri að Akureyringar „færu varlega.“ „Akureyringar fylgja reglum, og það er ástæða fyrir því að faraldurinn hefur ekki leikið okkur verr en hann hefur gert hingað til,“ sagði hún jafnframt.

Ummælin vöktu furðu og undran netheima. Brást til dæmis Þórður Snær Júlíusson, ritstjóri Kjarnans, við með neðangreindi Twitter færslu.

Akureyringar eru sko bestir…í að verða ekki lasnir. Langbestir. https://t.co/PXFY4BahA1

— Þórður S. Júlíusson (@thordursnaer) October 6, 2020

Reynir Traustason skrifar nú að þessi ummæli hafi „sprungið í andlit bæjarstjórans,“ enda smit orðin jafn algeng þar og í borginni. „Víst er að Ásthildur mun sitja uppi með þessi dýrkeyptu ummæli það sem eftir er af hennar pólitíska lífi. Lærdómurinn er væntanlega sá að hafa ekki veiruna eða áhrif hennar í flimtingum eða reyna að slá pólitískar keilur með skaðræðinu,“ segir Reynir.