Sunnudagur 26.janúar 2020
Eyjan

Hafró semur við SFS – Fjármögnun ekki tryggð – „Vonandi er nóg af loðnu“

Ritstjórn Eyjunnar
Miðvikudaginn 8. janúar 2020 09:40

Ekki missa af Helstu tíðindum dagsins í pósthólfið þitt

Lesa nánar

Samkomulag hefur náðst milli Hafró og Samtaka fyrirtækja í sjávarútvegi um að útgerðir uppsjávarskipa taki þátt í loðnuleit og hjálpi til við mælingar stofnunarinnar í vetur. Leggur útgerðin til tvö skip og greiðir Hafró helming kostnaðar, um 30 milljónir. Morgunblaðið greinir frá.

„Mér er létt. Þetta er mjög mikilvægt til að reyna að ná góðri mælingu. Vonandi er nóg af loðnu þannig að það verði einhver vertíð,“

segir Sigurður Guðjónsson, forstjóri Hafrannsóknastofnunar, við Morgunblaðið.

Engin loðnuleit hefur farið fram það sem af er árinu og síðast í gær var staðan þannig að Hafró taldi sig ekki hafa efni á að greiða útgerðinni fyrir slíka aðstoð, líkt og undanfarið, en í fyrra greiddi Hafró um 130 milljónir til útgerðarinnar, sem reiddi fram fjögur skip til leitarinnar.

SFS heimtaði áa dögunum að fá greitt fyrir aðstoðina, sem varð til þess að margir gagnrýndu SFS fyrir vikið.

Sjá nánar: Kristinn Hrafnsson svarar SFS – „Þetta hlýtur að teljast Evrópumet í ósvífni“

Sjá einnig: Segir Þorstein Má og Guðmund í Brimi hóta almenningi – „Orðnir ofdekraðir – nánast einráðir í SFS“

Samkomulag náðist hinsvegar síðdegis í gær og ef veður leyfir mun rannsóknarskipið Árni Friðriksson fara til loðnumælinga á mánudag ásamt tveimur skipum frá útgerðinni:

„Við vitum ekki hvort nóg er af loðnu til að gefa út kvóta. Það er bara ein leið til að komast að því, að fara og mæla hana,“

segir Sigurður.

Athygli vekur að ekki er búið að tryggja fjármögnun þessa viðbótarkostnaðar, en Sigurður segist vonast til að fjárveitingarvaldið komi til móts við sig í þessu verkefni.

Kristján Þór Júlíusson sjávarútvegsráðherra hefur áður sagt að ábyrgð útgerðanna í þessu máli væri mikil og þetta væri sameiginlegt verkefni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Forstjóri Landsvirkjunar – „Verið að keyra þetta verkefni verulega hratt áfram“

Forstjóri Landsvirkjunar – „Verið að keyra þetta verkefni verulega hratt áfram“
Eyjan
Fyrir 4 dögum

Vandi Landspítalans leystur? – „Til allrar lukku hins vegar hefur ný nefnd verið skipuð“

Vandi Landspítalans leystur? – „Til allrar lukku hins vegar hefur ný nefnd verið skipuð“