Þriðjudagur 18.febrúar 2020
Eyjan

Þá sá hann of alla heima

Egill Helgason
Laugardaginn 18. janúar 2020 15:29

Ekki missa af Helstu tíðindum dagsins í pósthólfið þitt

Lesa nánar

Þessa stórkostlegu mynd birti Árni Einarsson á Facebook. Þetta er bæklingur frá Viðtækjaverslun ríkisins árin 1933 og 1934. Myndin er eftir Tryggva Magnússon sem var einn helsti teiknari og myndskreytir þjóðarinnar á þessum tíma.

Viðtækjaverslun ríkisins var stofnuð 1930, samhliða því að Ríkisútvarpið var sett á laggirnar. Hún hafði einkasölu á útvarpstækjum, var til húsa að Lækjargötu 10b, og flutti aðallega inn útvarpstæki frá Philips og Telefunken. Hún var endanlega lögð niður 1967.

Viðhorfin hafa breyst mikið – nú myndi varla nokkrum manni láta sér detta í hug einokun ríkisins á útvarps- eða sjónvarpstækjum.

Myndin framan á bæklingnum er sterkt tímanna tákn. Þarna er mynd af manni í fornbúningi sem virðist vera Óðinn sjálfur með hröfnum sínum og fylgir með svohljóðandi texti úr Gylfaginningu:

„Þá sá hann of alla heima ok hvers manns athæfi ok vissi alla hluti, þá er hann sá.“

Svona var nú útvarpið fræðandi á þeim tíma að menn séu um allan heim og fengu að vita alla hluti – og sá sem nýtur þess er karlinn sem situr í sófanum, reykir sígarettu, og fylgist átekta með í fallegri art deco innréttingu, nánast goðumlíkur.

Árni birtir líka mynd innan úr bæklingnum og má sjá að fínt útvarpstæki frá Philips hefur kostað 520 krónur. Á þessum tíma fór kaup verkafólks alveg niður fyrir 1 krónu, þannig að þetta hefur ekki verið ódýrt.

Og það er skemmtilegt að sjá að það sem við köllum nú hátalara er þarna nefnt gellir.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Eigandi Herrahússins sendir Degi skýr skilaboð – „Fólki finnst frábært að þurfa ekki að fara niður á Laugaveg“

Eigandi Herrahússins sendir Degi skýr skilaboð – „Fólki finnst frábært að þurfa ekki að fara niður á Laugaveg“
Eyjan
Fyrir 2 dögum

Ólína segir fyrrverandi þingmenn vera útskúfaða af vinnumarkaði

Ólína segir fyrrverandi þingmenn vera útskúfaða af vinnumarkaði
Eyjan
Fyrir 4 dögum

Sviðsstjóri Reykjavíkurborgar segist ósammála skýrslunni um lögbrotin

Sviðsstjóri Reykjavíkurborgar segist ósammála skýrslunni um lögbrotin
Eyjan
Fyrir 4 dögum

Tónlistarkonan og Vestur-Íslendingurinn Sigrún Stella – dóttir hans Haraldar

Tónlistarkonan og Vestur-Íslendingurinn Sigrún Stella – dóttir hans Haraldar