fbpx
Fimmtudagur 02.apríl 2020
Eyjan

„Ætti Sigurður Ingi ekki að segja af sér sem formaður?“

Ritstjórn Eyjunnar
Föstudaginn 17. janúar 2020 14:24

Sigurður Ingi jóhannsson, formaður Framsóknarflokksins

Ekki missa af Helstu tíðindum dagsins í pósthólfið þitt

Lesa nánar

„Miðað við stöðu Framsóknarflokksins eftir klofning hans, þar sem Framsókn mælist með um helming af fylgi Miðflokksins, ætti Sigurður Ingi ekki að segja af sér sem formaður?“

spyr fjölmiðlamaðurinn og sósíalistaforinginn Gunnar Smári Egilsson með vísun í fylgi Framsóknarflokksins og Miðflokksins, sem og þeirrar stöðu sem kom upp í Framsóknarflokknum þegar Sigurður Ingi fór gegn Sigmundi Davíð í formannskjöri eftir Wintris-málið:

„Ekki bara vegna stöðu flokksins heldur líka vegna þess að það var framboð hans til formanns sem klauf flokkinn. Samanlagt fylgi þessara flokka er um 21% miðað við Gallup og MMR, Miðflokkurinn er með um 60% af því og Framsókn 40%. Ekki ætla Framsóknarmenn að sætta sig við það?“

spyr Gunnar Smári.

Miðflokkur mælist betur

Samkvæmt síðustu mælingu MMR mælist Miðflokkurinn nú með 12.9%, en fékk 14.3% í síðustu könnun. Framsóknarflokkurinn fær nú 8.2% en fékk 8.3% síðast.

Gunnar Smári setur þetta í samhengi við Sjálfstæðisflokkinn og Viðreisn:

„Það væri álíka og ef Sjálfstæðisflokksfólk sætti sig við að 31-34% sameiginlegt fylgi Sjálfstæðisflokks og Viðreisnar skiptist þannig að xD væri með 13% en Viðreisn 20%. Bjarni Benediktsson ber ábyrgð á klofningi Sjálfstæðisflokksins, hann gerðist á hans formannsvakt, en honum hefur þó tekist að halda 2/3 hlutum af fylginu.“

Kalt á milli

Einhver umræða hefur verið um sameiningu Framsóknarflokksins og Miðflokksins, en hún hefur ekki rist djúpt og flokkast í besta falli undir vangaveltur. Telja flestir að ekki sé nægjanlega gróið um heilt milli Sigmundar Davíðs og Sigurðar Inga og hirðar þeirra tveggja, til að sameiningarhugleiðingar teljist raunsæjar.

Ljóst er þó að stefnumál flokkanna eru byggð á svipuðum grunni, þó svo áherslurnar á kjörtímabilinu taki mið af því að aðeins annar flokkurinn er í ríkisstjórn, en hinn ekki.

Hinsvegar þykir ljóst, að meðan Miðflokkurinn er stærsti stjórnarandstöðuflokkurinn hvað fjölda þingmanna varðar, og mælist með stöðugt fylgi yfir kjörfylgi á yfirstandandi kjörtímabili, þykir hann standa vel að vígi fyrir næstu kosningar, árið 2021. Og ekki síst fyrir þær sakir að Sigurður Ingi ætlar að koma á vegtollum, sem er mál manna að gæti riðið honum að fullu sem stjórnmálamanni, ef málið gengur eftir.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Sonja baunar á Viðskiptaráð – Segir starfsmönnum hins opinbera hafa fækkað undanfarin ár, en ekki fjölgað

Sonja baunar á Viðskiptaráð – Segir starfsmönnum hins opinbera hafa fækkað undanfarin ár, en ekki fjölgað
Eyjan
Í gær

Gefur lítið fyrir orð forsætisráðherra – „Hvernig væri að hún byrjaði á sínum flokki og sinni ríkistjórn?“

Gefur lítið fyrir orð forsætisráðherra – „Hvernig væri að hún byrjaði á sínum flokki og sinni ríkistjórn?“
Eyjan
Í gær

Kínversk stjórnvöld líkja Davíð Oddssyni við Donald Trump – „Kína er ósátt við þessi ummæli og andæfir þeim kröftuglega“

Kínversk stjórnvöld líkja Davíð Oddssyni við Donald Trump – „Kína er ósátt við þessi ummæli og andæfir þeim kröftuglega“
Eyjan
Í gær

28 þúsund manns á atvinnuleysisbótum – Uppsagnarhrina gengur yfir Ísland

28 þúsund manns á atvinnuleysisbótum – Uppsagnarhrina gengur yfir Ísland
Eyjan
Fyrir 2 dögum

Segir Gunnar Smára óheiðarlegan kapítalista í sauðargæru – „Hann kom bara auga á gott viðskiptatækifæri“

Segir Gunnar Smára óheiðarlegan kapítalista í sauðargæru – „Hann kom bara auga á gott viðskiptatækifæri“
Eyjan
Fyrir 2 dögum

BHM – „Viðskiptaráð í gömlum stellingum“

BHM – „Viðskiptaráð í gömlum stellingum“