Kristín Jóhannesdóttir, lögmaður, er meðal umsækjenda um starf ríkislögreglustjóra. Fréttablaðið greinir frá.

Kristín var framkvæmdastjóri hjá fjárfestingafélaginu Gaumi, sat í stjórn Baugs og hefur lengi starfað sem lögfræðingur, en hún er systir Jóns Ásgeirs Jóhannessonar, fjárfestis.

Umsóknarfrestur rann út á föstudag en ekki hefur verið gefið út hverjir sóttu um, en vitað er að Páll Winkel, fangelsismálastjóri, Sigríður Björk Guðjónsdóttir lögreglustjóri höfuðborgarsvæðisins og Halla Bergþóra Björnsdóttir, lögreglustjóri á Norðurlandi eystra hafa öll sótt um.

UPPFÆRT

Grímur Grímsson, nú­verandi tengsla­full­trúi Ís­lands hjá Europol og fyrr­verandi yfir­maður mið­lægrar rann­sóknar­deildar lög­reglunnar á höfuð­borgar­svæðisins, er einnig meðal umsækjenda, samkvæmt Fréttablaðinu:

„Ég er svo­lítið að láta reyna á á­kvæði en ég er ekki lög­fræðingur. Það er á­kvæði þarna um hæfi sem ég vil láta reyna á. En ég hef ekki fengið nein svör enn þá um hvort það stendur.“

Settur ríkislögreglustjóri er Kjartan Þorkelsson, lögreglustjóri á Suðurlandi, eftir að Haraldur Johannessen gerði starfslokasamning undir lok síðasta árs, eftir 22 ár í embætti. Kjartan hefur sagst ekki ætla að sækja um starfið.