Í gærkvöldi höfðu 17 fyrirtæki tilkynnt um hópuppsagnir sem náði til minnst 695 starfsmanna. Morgunblaðið greinir frá. Að sögn Unnar Sverrisdóttur, forstjóra Vinnumálastofnunar, munu fleiri uppsagnir bætast við í dag.
Hún segir slíkar tölur ekki hafa sést síðan WOW sagði upp sínu starfsfólki fyrir ári síðan, og þar áður hafði slíkt ekki sést síðan frá bankahruninu.
Mest eru þetta fyrirtæki í verslun og ferðaþjónustu.
Um 4000 fyrirtæki höfðu í gær sótt um minnkað starfshlutfall rúmlega 20 þúsund starfsmanna og um átta þúsund starfsmenn sóttu um atvinnuleysisbætur og því eru um 28 þúsund manns að fá bætur að einhverju leyti, að fullu eða að hluta til.
Atvinnuleysi hafði aukist áður en kórónuveirufaraldurinn lét á sér kræla en ljóst er að hann hefur enn meiri áhrif.
Sjá einnig: Atvinnuleysi á Íslandi tvöfaldast síðan 2017 – 40% atvinnulausra eru erlendir ríkisborgarar
