Mánudagur 17.febrúar 2020
Eyjan

Ástráður gleymdist vegna mannlegra mistaka – Var einnig meðal umsækjenda

Ritstjórn Eyjunnar
Föstudaginn 24. janúar 2020 12:09

Ástráður Haraldsson lögmaður. Skjáskot af vef RÚV.

Ekki missa af Helstu tíðindum dagsins í pósthólfið þitt

Lesa nánar

Ástráður Haraldsson, héraðsdómari, er einnig meðal umsækjenda um embætti við dómara í Landsrétt, en sú staða losnaði þegar Ingveldur Einarsdóttir var skipuð Hæstaréttardómari í desember.

Nafn Ástráðs gleymdist hinsvegar í  tilkynningu dómsmálaráðuneytisins upphaflega, vegna mannlegra mistaka, líkt og Kjarninn greinir frá. Hefur nú verið bætt úr því.

Umsækjendurnir eru því fjórir, en ekki þrír:

  1. Ásmundur Helgason, dómari við Landsrétt
  2. Ástráður Haraldsson, héraðsdómari
  3. Ragnheiður Bragadóttir, dómari við Landsrétt
  4. Sandra Baldvinsdóttir, héraðsdómari

Snuðaður af Sigríði

Ástráður er einn af fjórum sem misstu af dómarasæti við Landsrétt í Landsréttarmálinu, þegar Sigríður Á. Andersen þáverandi dómsmálaráðherra tilnefndi fjóra dómara sem ekki voru í hæfnismati dómnefndar um skipun 15 dómara við hinn nýja Landsrétt árið 2017. Komst Hæstiréttur loks að því að Sigríður hefði með þessu brotið stjórnsýslulög, og var það einnig niðurstaða Mannréttindadómstóls Evrópu, sem varð til þess að Sigríður sagði af sér embætti.

Ástráður stefndi ríkinu vegna þessa og fékk dæmdar miskabætur, en hann var síðar skipaður dómari við héraðsdóm Reykjavíkur.

Þrautarganga

Hugur Ástráðs virðist þó hjá Landsrétti, því hann sótti einnig um að vera skipaður í laust embætti dómara í Landsrétti í maí í fyrra, þegar Vilhjálmur H. Vilhjálmsson settist í helgan stein.

Þá fór Ástráður fram á að vera settur í annað af tveimur lausum dómarastörfum sem laus eru, vegna leyfa þeirra dómara sem skipaðir voru ólöglega af Sigríði á sínum  tíma.

Virðist því um þónokkra þrautargöngu hjá Ástráði að ræða, að fá starf hjá Landsrétti, en þolinmæði þrautir vinnur allar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Leitin að eftirmanni Stefáns hafin – „Inn í starfslýsinguna vantar hlutleysiskröfu“ – Nöfn umsækjenda verða gerð opinber

Leitin að eftirmanni Stefáns hafin – „Inn í starfslýsinguna vantar hlutleysiskröfu“ – Nöfn umsækjenda verða gerð opinber
Eyjan
Fyrir 2 dögum

Millilandaflug frá Akureyri og Egilsstöðum ekki á teikniborðinu hjá Icelandair

Millilandaflug frá Akureyri og Egilsstöðum ekki á teikniborðinu hjá Icelandair
Eyjan
Fyrir 3 dögum

Segir að sjálfstæðismenn myndu aldrei láta sér detta þetta í hug – „Þjóðin myndi ekki trúa þeim“

Segir að sjálfstæðismenn myndu aldrei láta sér detta þetta í hug – „Þjóðin myndi ekki trúa þeim“
Eyjan
Fyrir 3 dögum

Inga óttast kæruleysi stjórnvalda – „Hvers vegna í ósköpunum lokum við ekki algerlega á flæði ferðamanna?“

Inga óttast kæruleysi stjórnvalda – „Hvers vegna í ósköpunum lokum við ekki algerlega á flæði ferðamanna?“