fbpx
Sunnudagur 15.september 2019  |
Eyjan

Eyðilegging Skuggahverfisins og Skúlagötunnar

Egill Helgason
Mánudaginn 12. ágúst 2019 11:48

Ekki missa af Helstu tíðindum dagsins í pósthólfið þitt

Lesa nánar

Þessa ljósmynd af gamla Völundi sem stóð við Skúlagötuna setti Jón Eldon Logason inn á vefinn Gamlar ljósmyndir. Ég skrifaði í athugasemd að eyðilegging Skuggahverfisins og Skúlagötunnar væri einhver sú sorglegasta í sögu borgarinnar. Mjög margir hafa tekið undir það.

Við sjáum þarna hvað Völundur var falleg bygging með turni sínum og reykháf. Þarna voru líka verksmiðjuhús Sláturfélagsins og gamla Kveldúlfs, en fyrir aftan var hið lágreista Skuggahverfi með timburhúsum sínum. Þau voru ekki stór eða ríkmannleg – en byggðin hafði þokkafullan svip þar sem hún stallaðist upp holtið.

Eitt sinn voru Njálsgatan og Grettisgatan taldar ómerkilegustu götur í Reykjavík, fátæklegar og sagðar vera slömm, það stóð til að rífa húsin þar og leggja bílagötu. En nú hafa hús við þessar gömlu götur verið gerð upp – þetta er svæði með einstökum reykvískum svip.

Líkt hefði getað farið með Skuggahverfið, ef það stæði, enduruppbyggt líkt og götur á Skólavörðuholti og í Þingholtunum, væri þetta ein af perlum borgarinnar með fjölskrúðugu mannlífi, svæði þar sem laðaði að sér fólk og væri gott að ganga sér til yndisauka.

En í staðinn var farið þar um með eyðileggjandi hendi, húsin við Skúlagötuna rifin og klunnalegum blokkum troðið ofan í Lindargötuna. Þar sem núna stendur þarna er stíllaus hrærigrautur nútímaarkítektúrs sem spannar tímann frá sirka 1985 og fram til okkar daga, það sem byggt var fyrst er þegar farið að eldast mjög illa – og einhvern veginn er maður viss að eins fer með hinar nýrri byggingar.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Dagur hjólar í SI: „Væri kostur ef gögnin væru birt jafn ítarlega og gert var fyrir nokkrum árum“

Dagur hjólar í SI: „Væri kostur ef gögnin væru birt jafn ítarlega og gert var fyrir nokkrum árum“
Eyjan
Fyrir 3 dögum

Oddný: „Um 5% landsmanna fá næstum jafn mikið og hin 95% samanlagt“

Oddný: „Um 5% landsmanna fá næstum jafn mikið og hin 95% samanlagt“
Eyjan
Fyrir 3 dögum

Sóknaráætlanir landshluta: Rúmum milljarði veitt til verkefna árið 2018

Sóknaráætlanir landshluta: Rúmum milljarði veitt til verkefna árið 2018
Eyjan
Fyrir 3 dögum

Guðlaugur Þór: „Eigum ríka samleið með Norðurlöndunum í utanríkis-, öryggis- og varnarmálum“

Guðlaugur Þór: „Eigum ríka samleið með Norðurlöndunum í utanríkis-, öryggis- og varnarmálum“