Sunnudagur 08.desember 2019
Eyjan

ASÍ: „Það er rangt sem bæði Vísir og Fréttablaðið fullyrða“

Ritstjórn Eyjunnar
Föstudaginn 7. júní 2019 11:16

Drífa Snædal, forseti ASÍ Ljósmynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

Alþýðusamband Íslands hefur sent frá sér tilkynningu vegna fréttaflutnings Vísis og Fréttablaðsins af verðkönnun sem ASÍ gerði í fyrradag, þar sem fram kom að hæsta verðið væri oftast í verslunum 10- 11.

„Það er rangt sem bæði Vísir og Fréttablaðið fullyrða að Krónan sé með lægsta verðið í þessari könnun. Í fréttatilkynningu ASÍ kemur hvergi fram að Krónan sé oftast með lægsta verðið. Þvert á móti stendur skýrum stöfum í upphafi fréttarinnar, „Hæsta verðið var oftast í 10-11 en það lægsta oftast í Bónus,“

segir í tilkynningunni. Þar er einnig nefnt hvað gæti hafa valdið misskilningi, en ASÍ segist ekki geta borið ábyrgð á því ef fjölmiðlar fari rangt með:

„Það sem kann að hafa valdið misskilningi er að í fréttatilkynningunni var birt tafla með nokkrum verðdæmum (lítil vörukarfa með 15 vörum völdum af handahófi) þar sem Krónan var örlítið lægri en Bónus. Í verðkönnunin allri voru hins vegar bornar saman 106 vörutegundir og þar var Bónus oftast með lægsta verðið eins og áður segir. ASÍ getur ekki borið ábyrgð á því ef fjölmiðlar, í þessu tilviki Vísir og Fréttablaðið, fara rangt með. Verðlagseftirlitið hvetur fjölmiðla til að lesa fréttatilkynningar þess vandlega og draga svo ályktanir. Verðlagseftirlit ASÍ stendur við fréttina sem send var fjölmiðlum 5. júní.“

Sjá einnig: Verðkönnun ASÍ:10-11 er lang dýrasta matvöruverslunin – 420 króna munur á 2ja lítra kók

Fréttatilkynning ASÍ vegna verðkönnunar frá 5. júní

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Ragnar Þór – „Þetta er bara angi af þessari djúpu spillingu“

Ragnar Þór – „Þetta er bara angi af þessari djúpu spillingu“
Eyjan
Fyrir 2 dögum

Ríkisendurskoðandi þarf aukafjárveitingu vegna álags

Ríkisendurskoðandi þarf aukafjárveitingu vegna álags