Það er gjarnan alvörugefið andrúmsloftið á Alþingi þar sem starfsmenn þjóðarinnar reyna að ákveða hvað best sé fyrir landsmenn alla. Það er því ekki að undra að stundum sé reynt að létta það andrúmsloft með einum eða öðrum hætti.

María Rut Kristinsdóttir, aðstoðarmaður Þorgerðar Katrínar Gunnarsdóttur, formanns Viðreisnar, sá björtu hliðarnar á atlotum Miðflokksmannanna Þorsteins Sæmundssonar og Sigmundar Davíðs Gunnlaugssonar í gær þegar Þorsteinn, sem gegndi embætti sínu sem 5. varaforseti Alþingis og Sigmundur Davíð, þurftu eitthvað að ræða málin.

María Rut tók upp myndband af þeim kumpánum og túlkaði atlot þeirra á tvíræðan hátt, líkt og sjá má hér að neðan:

„Stemningin hjá Miðflokknum: Allt í steik, eða allir í sleik? ?“

Stemningin hjá Miðflokknum: Allt í steik, eða allir í sleik? ? pic.twitter.com/UlCVxOI4m0

— María Rut (@mariarutkr) February 27, 2019