Sunnudagur 08.desember 2019
Eyjan

Jákvæð afkoma borgarinnar

Ágúst Borgþór Sverrisson
Fimmtudaginn 28. nóvember 2019 15:06

Ekki missa af Helstu tíðindum dagsins í pósthólfið þitt

Lesa nánar

Níu mánaða uppgjör Reykjavíkurborgar var afgreitt í borgarráði í dag. A-hluti borgarinnar skilar 5,2 milljarða jákvæðri afkomu.

Rekstrarniðurstaða A-hluta var jákvæð um 5.162 m.kr. Tekjur af sölu byggingarréttar voru nokkuð lægri á tímabilinu en gert var ráð fyrir og gjaldfærsla lífeyrisskuldbindinga hærri sem skilar aðeins minni afgangi en gert var ráð fyrir í rekstri A-hlutans.

Rekstrarniðurstaða samstæðu Reykjavíkurborgar, A- og B-hluta, var hins vegar jákvæð um 12.243 m.kr. en áætlanir gerðu ráð fyrir jákvæðri niðurstöðu um 12.132 m.kr.

Rekstrarniðurstaðan er því 111 m.kr. betri en gert var ráð fyrir sem má helst rekja til þess að eignir Félagsbústaða hafa hækkað í verði samkvæmt fasteignamati.

„Uppgjörið sýnir örugga siglingu í fjármálum borgarinnar við vandasamar aðstæður. Það vitnar um sterkan rekstur borgarinnar og samstæðunnar þrátt fyrir að hægt hafi nokkuð á hagkerfinu. Mikilvægt að halda áfram á sömu leið, sýna ábyrgð og aðhald um leið og styrkur borgarinnar er notaður til að halda uppi kröftugu framkvæmda- og fjárfestingarstigi,“ segir Dagur B. Eggertsson borgarstjóri.

Heildareignir samstæðunnar samkvæmt samanteknum efnahagsreikningi námu í lok september 682 milljörðum króna en heildarskuldir ásamt skuldbindingum voru tæpar 348 milljarðar króna. Eigið fé var rétt um 334 milljarðar króna en þar af er hlutdeild meðeigenda 18 milljarðar króna. Eiginfjárhlutfall samstæðunnar er nú 49% en var 49,4% um síðustu áramót.

Rekstur Reykjavíkurborgar skiptist í A-hluta og B-hluta. Til A-hluta telst starfsemi sem að hluta eða öllu leyti er fjármögnuð með skatttekjum. Um er að ræða Aðalsjóð, sem heldur utan um rekstur fagsviða og Eignasjóð sem heldur utan um eignir borgarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“

Hólmfríður finnur spillingarfnyk: „Skammist ykkar fyrir að fela ykkur á bak við þessa ljótu ohf-druslu“
Eyjan
Fyrir 2 dögum

Ragnar Þór – „Þetta er bara angi af þessari djúpu spillingu“

Ragnar Þór – „Þetta er bara angi af þessari djúpu spillingu“
Eyjan
Fyrir 3 dögum

Hlemmur fær upplyftingu – Lækjartorg í niðurníðslu

Hlemmur fær upplyftingu – Lækjartorg í niðurníðslu
Eyjan
Fyrir 3 dögum

Lýsir andláti Halldórs Ásgrímssonar: „Hringdum strax á neyðarlínuna“

Lýsir andláti Halldórs Ásgrímssonar: „Hringdum strax á neyðarlínuna“