fbpx
Fimmtudagur 11.september 2025
Eyjan

Kolefnisspor sífelldra fundaferða – og hið dapra líf ráðstefnuferðalangsins

Egill Helgason
Sunnudaginn 27. október 2019 16:00

Ekki missa af Helstu tíðindum dagsins í pósthólfið þitt

Lesa nánar

„Stöðvum tilgangslaus flug á ráðstefnur. Ráðstefnur eru 90% hlunnindi starfsfólks, dulbúin sem mikilvæg vinna og tengslamyndun.“

Þetta skrifar Jökull Sólberg Auðunsson á Facebook. Hann ritar annars greinar á vefsvæðin Sólberg og Reykjavík Mobility.

Það kom fram í fréttum í vikunni að utanlandsferðir þeirra sem eru í yfirstjórn Alþingis, embættismanna semsé, hafi stóraukist á þessu ári. Flug væri ekki kolefnisjafnað. Það er bara eitt dæmi. Ekkert bendir til þess að fólk reyni að skera niður vinnuferðir sínar vegna loftslagsvárinnar. Það er eiginlega þvert á móti. Oft gæti fjarfundabúnaður komið að góðum notum, sýnist manni.

Nú er á sinn hátt gott að fólk auki víðsýni sína með því að ferðast til útlanda og hitta kollega. En slíkar ferðir hljóta að þurfa að snarminnka ef við meinum eitthvað með því að sporna við hamfarahlýnun.

En svo er líka hægt að líta á þetta á annan veg. Hversu mikil hlunnindi eru það að fljúga til útlanda á fundi og ráðstefnur? Getur það ekki verið kvöð, jafnvel hundleiðinlegt.

Það er takmörkuð skemmtun að fjúga, flugstöðvar eru nánast martröð, ferðalög til og frá flugvöllum eru lítið gaman – og það getur líka verið dauflegt að vera einn á hóteli í framandi borg um nótt. Marcel Proust skrifar um það að vakna einn um miðja nótt á framandi hóteli í hinu mikla skáldverki Í leit að glötuðum tíma. Ferðalangurinn gleðst við að sjá ljósrönd við dyrnar:

„Hvílíkur léttir, það er kominn morgunn! Eftir andartak verður þjónustufólkið komið á stjá, hann getur hringt og honum verður komið til hjálpar. Vonin um linun eykur honum þrek til að þjást. Rétt í þessu telur hann sig greina fótatak; það færist nær en fjarlægist síðan. Og ljósröndin undir hurðinni slokkar. Það er miðnætti; slökkt hefur verið á gasinu; síðasti þjónninn á bak og burt og hann horfir fram á heila þjáningarnótt einn og yfirgefinn.“ (þýðing Pétur Gunnarsson)

Ferðalangur Prousts er taugahrúga – það ekki einsdæmi í bókum hans. En það er vissulega rétt að líf þess sem ferðast í viðskiptaerindum eða opinberum erindagjörðum er ekki alltaf dans á rósum og kannski ekki svo eftirsóknarvert. Það er reyndar hætt við að þeir sem eru á funda- og ráðstefnurúntinum til útlanda taki heldur illa í að skera niður flugferðirnar. En hverju væru þeir að missa af? Tökum til að mynda þessa grein sem birtist í The Economist fyrir nokkrum árum. „Hið dapra og sjúka líf viðskiptaferðalangsins“.

.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Orðið á götunni: Ríkisstjórnin er að moka flórinn eftir sjö ára óstjórn fyrri ríkisstjórnar

Orðið á götunni: Ríkisstjórnin er að moka flórinn eftir sjö ára óstjórn fyrri ríkisstjórnar
Eyjan
Fyrir 3 dögum

Orðið á götunni: Það skiptir máli hverjir stjórna – berin eru súr, sagði Mikki refur

Orðið á götunni: Það skiptir máli hverjir stjórna – berin eru súr, sagði Mikki refur
EyjanFastir pennar
Fyrir 5 dögum

Óttar Guðmundsson skrifar: Algengir stjórnunarhættir

Óttar Guðmundsson skrifar: Algengir stjórnunarhættir
Eyjan
Fyrir 6 dögum

Sigurður Hólmar skrifar: Tugir milljarða til Háskóla Íslands en aðeins örfáir fatlaðir fá inngöngu

Sigurður Hólmar skrifar: Tugir milljarða til Háskóla Íslands en aðeins örfáir fatlaðir fá inngöngu
EyjanFastir pennar
Fyrir 1 viku

María Rut Kristinsdóttir skrifar: Manneskjur – ekki hugmyndafræði

María Rut Kristinsdóttir skrifar: Manneskjur – ekki hugmyndafræði
EyjanFastir pennar
Fyrir 1 viku

Svarthöfði skrifar: Framsókn í útrýmingarhættu – menn verða að gæta orða sinna

Svarthöfði skrifar: Framsókn í útrýmingarhættu – menn verða að gæta orða sinna
EyjanFastir pennar
Fyrir 1 viku

Davíð Þór Björgvinsson skrifar: Rétturinn til fundafriðar

Davíð Þór Björgvinsson skrifar: Rétturinn til fundafriðar
Eyjan
Fyrir 1 viku

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“

Segir að skipun Ólafs boði nýja tíma í vinnubrögðum á Alþingi – „Þarna fannst mér sleginn allt annar tónn“