fbpx
Þriðjudagur 17.júní 2025
Eyjan

Sjálfstæðiskona sakar Gísla Martein um að misnota aðstöðu sína á RÚV – „Rantar þarna í dágóðan tíma – Hvaða rugl er þetta?“

Ritstjórn Eyjunnar
Þriðjudaginn 1. október 2019 13:57

Ekki missa af Helstu tíðindum dagsins í pósthólfið þitt

Lesa nánar

Karen Halldórsdóttir, bæjarfulltrúi Sjálfstæðisflokksins í Kópavogi, er ósátt við að Gísli Marteinn Baldursson, sjónvarpsmaður á RÚV, hafi fengið að koma sínum „áróðri“ um samgöngusáttmálann að í Morgunútvarpi Rásar 2 í morgun. Segir hún að Gísli Marteinn hafi misnotað aðstöðu sína og sakar hún Sigmar Guðmundsson um ófagleg vinnubrögð fyrir að hleypa Gísla Marteini í loftið með skoðanir sínar, þrátt fyrir að Gísli sé einnig menntaður í borgarfræðum:

„Nú náði ég endanlega að pirrast. Undanfarnar 10 mínútur eða svo var ég að hlusta á fréttamanninn ágæta Sigmar Guðmundsson taka „viðtal“ við samstarfsfélaga sinn Gísla Martein um skoðun þess síðarnefnda á samkomulagi um samgöngur á höfuðborgarsvæðinu!!! Er þetta í lagi? Nei segi ég,“

segir Karen og nefnir að ekki sé í lagi að Gísli notfæri sér aðstöðu sína með þessum hætti, en Gísli er sem kunnugt er með vikulegan sjónvarpsþátt á RÚV. Karen nefnir að Gísli vilji ganga lengra en samkomulagið segir til um, en sjálf studdi hún samkomulagið:

„Hann rantar þarna í dágóðan tíma um sína skoðun á hápólitísku verkefni sem honum finnst bara alls ekki nógu gott og ganga alltof skammt í að bola einkabílnum burt. Ég skal taka það fram að ég styð þetta samkomulag þó svo ég hafi engan veginn tekið afstöðu um hverjir eiga að keyra á þessum akreinum og útfærslan á gjaldtökunni sé enn til skoðunar. Það er ekki í lagi að starfsmenn ríkisstofnunar noti sér aðstöðu sína á þennan veg, þar sem að þeim er gefið risa pláss í útvarpi allra landsmanna um sínar skoðanir eða áróður. Það skiptir mig engu máli að maðurinn sé menntaður í borgarfræðum eða ekki. Hann er fyrst og fremst starfsmaður RÚV og kemur þarna fram vegna einhvers sem hann setti fram á Twitter!!! Hvaða rugl er þetta.“

Til skammar

Karen segir að RÚV hafi verið misnotað:

„Við búum ekki öll í miðbænum og einn stærsti hluti vandans er sá að ríkið hefur sett margar risastórar stofnanir á einn og sama blettinn í 101 Reykjavík og meirihlutinn í Reykjavík hefur markvisst þrengt að bílaumferð undanfarin ár. Ég myndi fagna td að Landspítalanum yrði fundið annað staðarval svo eitthvað sé nefnt, tala nú ekki um ráðuneytin. En aftur að fréttamennskunni á Rás 2 þá finnst mér svona misnotkun á fjölmiðli í þágu skoðunar sérstaks fréttamanns til háborinnar skammar.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Snúa sér að Sancho
Eyjan
Fyrir 4 dögum

Sverrir Jónsson ráðinn skrifstofustjóri Alþingis

Sverrir Jónsson ráðinn skrifstofustjóri Alþingis
Eyjan
Fyrir 4 dögum

Þorbjörg stendur við skammirnar í garð Ingibjargar – „Virðing virkar í báðar áttir“ – Myndband

Þorbjörg stendur við skammirnar í garð Ingibjargar – „Virðing virkar í báðar áttir“ – Myndband
Eyjan
Fyrir 5 dögum

Haukur segir ríkið skulda borginni fyrir flugvöllinn

Haukur segir ríkið skulda borginni fyrir flugvöllinn
Fréttir
Fyrir 5 dögum

Alvarlegt flugslys í Indlandi – Full vél á leið til London Gatwick brotlenti

Alvarlegt flugslys í Indlandi – Full vél á leið til London Gatwick brotlenti
EyjanFastir pennar
Fyrir 1 viku

Ágúst Borgþór skrifar: Grínverjinn og skautunin

Ágúst Borgþór skrifar: Grínverjinn og skautunin
Eyjan
Fyrir 1 viku

Ole Anton Bieltvedt skrifar: Þegar þjóð vaknar en forsætisráðherra dormar áfram

Ole Anton Bieltvedt skrifar: Þegar þjóð vaknar en forsætisráðherra dormar áfram
EyjanFastir pennar
Fyrir 1 viku

Svarthöfði skrifar: Skrítin skilaboð frá seðlabankastjóra á óvissutímum

Svarthöfði skrifar: Skrítin skilaboð frá seðlabankastjóra á óvissutímum
Eyjan
Fyrir 1 viku

Unnur forstöðumaður söludeildar innflutnings hjá Eimskip

Unnur forstöðumaður söludeildar innflutnings hjá Eimskip