Alls hefur skráðum í Þjóðkirkjuna fækkað um 988 manns á tímabilinu frá 1. desember á síðasta ári til 1. október. Nú eru 231.684 einstaklingar skráðir í Þjóðkirkjuna samkvæmt samantekt Þjóðskrár Íslands.
Kaþólskum fjölgar mest
Á sama tímabili fjölgaði í kaþólska söfnuðinum um 469 manns eða um 3,4% og Siðmennt um 454 manns eða um 16,1,%. Aukning var einnig í Ásatrúarfélaginu eða um 228 manns sem er 5,1% fjölgun.
Alls voru 25.628 einstaklingar skráðir utan trú- og lífsskoðunarfélaga þann 1. október sl. og fjölgaði þeim um 865 frá 1. desember 2018 eða um 3,5%.
