Sunnudagur 15.desember 2019
Eyjan

Ekki séríslenskt að verslanir og veitingahús berjist í bökkum

Egill Helgason
Miðvikudaginn 21. ágúst 2019 16:02

Ekki missa af Helstu tíðindum dagsins í pósthólfið þitt

Lesa nánar

Það er eins og við Íslendingar höldum oft að við séum algjörlega ein á báti – séum algjört eyland. En það erum við ekki. Samfélagsþróun hér er oftast býsna hliðstæð því sem gerist annars staðar á Vesturlöndum. Einu sinni gerðust hlutirnir aðeins síðar hér en annars staðar, en núorðið fylgjum við almennt meginstefnum og straumum.

Tökum til dæmis umræðuna sem hefur verið um verslun. Við látum eins og það sé eitthvert einsdæmi að verslun hnigni á Íslandi. En því fer auðvitað fjarri. Verslunarhættir eru alls staðar að breytast og það er ekki vegna skorts á bílastæðum. Netverslun hefur sín áhrif, en líka breytt viðhorf – minni áhersla ungs fólks á að kaupa hluti og eiga þá og að sækja sér afþreyingu og einhvers konar lífsfyllingu í búðarápi. Og til dæmis bara það að fólk sem hangir sífellt í snjallsímum er varla að kaupa neitt í búð á meðan.

Það eru ekki bara miðbæir sem eiga undir högg að sækja vegna þessa heldur líka verslanakringlur. Þær loka unnvörpum í Bandaríkjunum. Í Grikklandi fussar fólk og sveiar yfir fréttum sem birtast um að framundan sé mikil fjárfesting í verslunarkringlum á sama tíma og þeim hnignar annars staðar, þessi frétt í blaðinu Kathimerini hefur vakið mikið umtal á samskiptamiðlumn. Grikkland mun víst vera eitt minnst verslanakringluvædda land í Evrópu.

Í frétt á CNN má lesa að verslanakringlur í Bandaríkjunum reyni að laða til sín vinsæla lækna.  Það sama á við um jógastúdíó og fleira í þeim dúr. Það verður að finna eitthvað til að halda uppi traffíkinni þegar verslanir leggja upp laupana.

Reyndar er spurning hvort þurfi ekki einhverjar svipaðar hugmyndir ef á að ná að fylla allt verslunarhúsnæðið sem hefur verið byggt í Miðborginni? Jógastaði? Nuddstofur? Líkamsrækt? Hugleiðslusetur? Svona starfsemi stendur kannski ekki undir hárri leigu – en það er væntanlega betra en að láta húsnæðið standa autt?

Þá er það veitingageirinn. Það er mikið talað um kreppuna þar – sem stafar fyrst og fremst af offramboði. En þetta er líka alþjóðlegt eins og smá gúgl getur leitt í ljós. Í fyrra lokuðu til dæmis 1100 Subway staðir í Bandaríkjunum. Í frétt í Guardian má lesa að veitingahúsum fækki nú í Bretlandi og svo hafi verið um nokkurt skeið. Á þessu ári hefur samdrátturinn verið 3,4 prósent. En hann gengur þó ekki jafnt yfir allan veitingageirann, ítalskir staðir, kínverskir og indverskir berjast í bökkum meðan staðir sem selja mat frá Miðausturlöndum, Japan og svo veganstaðir eru í nokkurri sókn.

Það reyndar stemmir ágætlega við íslenska veitingahúsamarkaðinn – við vorum sein að uppgötva kebabið en það hefur farið siguför um borgina. Þetta er ódýr matur, tiltölulega hollur og fljótlegur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“

Þorsteinn vill fá svör: Hverjir keyptu eignir Íbúðalánasjóðs? „Þetta er algjörlega ólíðandi framkoma“
Eyjan
Fyrir 2 dögum

Þórólfur ósáttur: Allt stopp eftir óveðrið – „Það vantar mikið upp á“

Þórólfur ósáttur: Allt stopp eftir óveðrið – „Það vantar mikið upp á“
Eyjan
Fyrir 3 dögum

Samfylkingin vill að skattrannsóknarstjóri geti ákært og sótt til saka

Samfylkingin vill að skattrannsóknarstjóri geti ákært og sótt til saka
Eyjan
Fyrir 3 dögum

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“

Sakar Helga um bullandi vanhæfi: „Vill einmitt svo skemmtilega til að eiginkona Helga Hrafns er forstöðumaður Siðmenntar“
Eyjan
Fyrir 4 dögum

Umsóknir um starf útvarpsstjóra Ríkisútvarpsins alls 41

Umsóknir um starf útvarpsstjóra Ríkisútvarpsins alls 41
Eyjan
Fyrir 4 dögum

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“

Íslendingar byrjaðir að hamstra – Örtröð í verslanir og Vínbúðir – „Alvöru dómsdagsstemning“
Eyjan
Fyrir 4 dögum

Eiríkur fyrstur Íslendinga til að gegna embætti formanns EMBL

Eiríkur fyrstur Íslendinga til að gegna embætti formanns EMBL
Eyjan
Fyrir 4 dögum

Vilja aukið eftirlit og stöðva fúsk: „Heilsu og öryggi landsmanna stefnt í hættu“

Vilja aukið eftirlit og stöðva fúsk: „Heilsu og öryggi landsmanna stefnt í hættu“