fbpx
Sunnudagur 20.október 2019  |
Eyjan

Árni Pétur ráðinn forstjóri Skeljungs

Ritstjórn Eyjunnar
Þriðjudaginn 13. ágúst 2019 11:00

Ekki missa af Helstu tíðindum dagsins í pósthólfið þitt

Lesa nánar

Stjórn Skeljungs hf. hefur ráðið Árna Pétur Jónsson sem forstjóra félagsins og mun ráðningin taka gildi í dag. Þetta kemur fram í tilkynningu til Kauphallarinnar.

Árni á að baki langan feril í rekstri fyrirtækja hér á landi og unnið með fyrirtækjum í alþjóðaviðskiptu, svo sem Vodafone, Debenhams, Zara, Top Shop og Iceland. Þá var Árni forstjóri Teymis hf. þegar það var skráð í Kauphöll Íslands auk þess sem hann starfaði sem framkvæmdastjóri hjá Olís og Högum.

Í tilkynningunni kemur fram að hin síðari ár hafi Árni Pétur verið forstjóri Tíu Ellefu (10-11)/Iceland Verslun (Iceland) og Basko, en hann seldi hlut sinn 2016.

Árni Pétur hefur átt sæti í fjölmörgum stjórnum fyrirtækja, ýmist sem stjórnarmaður eða stjórnarformaður.  Má þar nefna fyrirtæki s.s. Lyfja, Securitas, Skeljungur, Penninn, Borgun og Eldum rétt.  Þá hefur Árni Pétur komið að rekstri símafyrirtækisins Kall í Færeyjum og Bónus í Færeyjum.

Jens Meinhard Rasmussen, stjórnarformaður, segir í tilkynningunni að með ráðningunni á Árna sé fyrirtækið að fá inn reynslu og þekkingu sem mun nýtast til að sækja fram á við og móta fyrirtækið til framtíðar.

„Ég hlakka til að takast á við þetta spennandi verkefni. Ég þekki Skeljung vel og veit að þar starfar öflugt og reynslumikið fólk. Starfsemi okkar á Íslandi og í Færeyjum byggir á traustum grunni sem við ætlum að halda áfram að þróa. Rekstrarumhverfi fyrirtækisins hefur og mun taka breytingum á næstu árum, sem gerir starfið mjög áhugavert,“ segir Árni Pétur í tilkynningunni.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Þegar pylsuvagn þótti stórt skref í frjálsræðisátt

Þegar pylsuvagn þótti stórt skref í frjálsræðisátt
Eyjan
Fyrir 2 dögum

Sigurður Ingi sagður hafa hlaupið á sig í morgun – Reiði og titringur sagður innan ríkisstjórnarinnar og samstarfsflokka

Sigurður Ingi sagður hafa hlaupið á sig í morgun – Reiði og titringur sagður innan ríkisstjórnarinnar og samstarfsflokka