Mánudagur 24.febrúar 2020
Eyjan

Var þetta rothöggið fyrir Sigmund?

Egill Helgason
Miðvikudaginn 5. desember 2018 21:38

Ekki missa af Helstu tíðindum dagsins í pósthólfið þitt

Lesa nánar

Sigmundi Davíð Gunnlaugssyni var að takast að skapa sér vígstöðu, í dag leit eiginlega út fyrir að hann hefði möguleika á að sleppa undan eftirmálum Klaustursamsætisins. Að minnsta kosti hann og Anna Kolbrún, kannski ekki Bergþór og Gunnar Bragi. Málið var að fara í hefðbundnar pólitískar skotgrafir sem hefði hentað Miðflokknum afar vel. Það var komin í gang ákveðin samúðarbylgja í gang vegna hinnar látlausu umræðu.

En Lilja Alfreðsdóttir greiddi þessu stórt högg í viðtali í Kastljósi í kvöld. Eftir það finnst manni eins og vinna Sigmundar og hans fólks við að endurreisa mannorð sitt sé unnin fyrir gýg. Lilja er ekki stjórnmálakona sem er vön að fara fram með stórum yfirlýsingum eða gífuryrðum. En hún er ein þeirra sem var talað um með hvað ógeðfelldustum hætti á Klaustri. En hún er ekki hver sem er í augum þeirra í Miðflokknum. Það var Sigmundur Davíð sem kallaði hana inn í stjórnmálin, milli þeirra var pólitískt trúnaðarsamband, Miðflokksmenn virðast jafnvel hafa haldið að hún myndi koma með þeim í flokkinn – og samkvæmt fyllerístalinu þar virðast þeir hafa álitið annað svik.

Við erum líka að tala um brostna vináttu. Ég held ég sé ekki að ljóstra upp neinu sem ekki má þegar ég skýri frá því að fyrir rúmu ári hitti ég Lilju og Gunnar Braga þar sem þau komu út af Mokka. Í samdrykkjunni er þetta uppáhaldskaffihús Lilju einmitt nefnt á nafn. Þau voru bæði glöð í bragði, maður sá ekki betur en að gott vinarþel væri á milli þeirra. Samt held ég örugglega að þau hafi verið komin hvort í sinn flokkinn á þessum tíma.

Það er því skiljanlegt að Lilja hafi verið harðorð í viðtalinu í Kastljósi. Hún segir að hún upplifi Klaustursamtölin sem ofbeldi. „Þeir eru ofbeldismenn,“ segir hún. Segir líka frá því að enginn gömlu félaganna hafi hringt í hana. Hún gagnrýnir hvernig þeir reyna að drepa málinu á dreif.

„Það er eins þeir átti sig ekki á al­var­leika máls­ins. Sterk­ur ein­stak­ling­ur hefði iðrast, borið ábyrgð á því sem hann hefði sagt. Gengið fram af meiri mynd­ug­leika. Þetta halda áfram að vera von­brigði og mér finnst það eiga að vera skýrt að þeir geta ekki haft dag­skrár­valdið með því að koma fram og dreifa ábyrgðinni.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Samkomulagi náð um útlínur kjarasamnings

Samkomulagi náð um útlínur kjarasamnings
Eyjan
Fyrir 3 dögum

Kolbrún segist hæfari en Stefán og er tilbúin að kæra – „Tel líkur á að ég hafi verið órétti beitt“

Kolbrún segist hæfari en Stefán og er tilbúin að kæra – „Tel líkur á að ég hafi verið órétti beitt“
Eyjan
Fyrir 4 dögum

Borgin hafnaði tilboði Eflingar: Segja Reykjavíkurborg hafa slegið á útrétta sáttahönd láglaunafólks

Borgin hafnaði tilboði Eflingar: Segja Reykjavíkurborg hafa slegið á útrétta sáttahönd láglaunafólks
Eyjan
Fyrir 4 dögum

Tekur við formennsku í Heimsráði kvenleiðtoga

Tekur við formennsku í Heimsráði kvenleiðtoga
Eyjan
Fyrir 4 dögum

Sjálfstæðisflokkur og Vinstri grænir ná vopnum sínum í Norðvesturkjördæmi

Sjálfstæðisflokkur og Vinstri grænir ná vopnum sínum í Norðvesturkjördæmi
Eyjan
Fyrir 4 dögum

Svandís útdeildi 90 milljónum til 144 lýðheilsuverkefna – Sjáðu listann

Svandís útdeildi 90 milljónum til 144 lýðheilsuverkefna – Sjáðu listann