fbpx
Þriðjudagur 21.júní 2022
Eyjan

Karl Gauti og Ólafur Ísleifsson reknir úr Flokki fólksins


Ólafur og Karl Gauti reknir

Ekki missa af Helstu tíðindum dagsins í pósthólfið þitt

Lesa nánar

Aukafundi stjórnar Flokks fólksins er nýlokið og var niðurstaðan sú að þeir Ólafur Ísleifsson og Karl Gauti Hjaltason þingmenn flokksins hafa verið reknir úr flokknum. Þeir hafa hvorugur orðið við tilmælum fundar flokksins í gær um að segja af sér þingmennsku og munu þá væntanlega sitja áfram á þingi sem óháðir þingmenn. Þingmannatala flokksins fer þá tímabundið úr fjórum mönnum niður í tvo.

„Í ljósi alvarlegs trúnaðarbrests sem upp er kominn í þingflokki Flokks fólksins ákvað stjórn flokksins á nýafstöðnum fundi sínum í dag, að vísa þingmönnum flokksins þeim Karli Gauta Hjaltasyni og Ólafi Ísleifssyni úr Flokki fólksins, sbr. samþykktir flokksins grein 2.6 en þar segir: „Sé félagsmaður staðinn að því, að vinna gegn meginmarkmiðum og hagsmunum Flokks fólksins, skal hann sviptur félagsaðild og skal það gert á stjórnarfundi með auknum meirihluta atkvæða og félagsmanni tilkynnt það formlega“. Stjórnin harmar þá rýrð sem þeir hafa kastað á Flokk fólksins, með óafsakanlegri þátttöku sinni á fundi með þingmönnum Miðflokksins á Klaustur-bar þann 20. nóv. sl.

F.h. stjórnar Inga Sæland formaður Flokks fólksins.“

 

Munu þeir Karl Gauti og Ólafur þó sitja áfram á þingi, sem óháðir þingmenn, nema þeir finni sér annan flokk. Hefur Miðflokkurinn og Sjálfstæðisflokkurinn helst verið nefndir í þeim efnum.

Í samtali við DV sagðist Karl Gauti ekki kannast við það að hafa verið rekinn úr flokknum og virðist hann því mögulega ekki hafa vitað af ákvörðun flokksins. Fundur var um málið í gær hjá flokknum og þegar blaðamaður DV ræddi við hann eftir þann fund sagðist hann ekki búast við neinu öðru en að halda áfram störfum fyrir flokkinn, en eftir þann fund ályktaði stjórn flokksins að Ólafi og honum bæri að segja af sér sem þingmenn flokksins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“
Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 1 viku

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“
Eyjan
Fyrir 1 viku

Ný borgarstjórn tekur til starfa – Þetta eru formenn ráða

Ný borgarstjórn tekur til starfa – Þetta eru formenn ráða