Þingmaður Sjálfstæðisflokksins, Brynjar Níelsson,  lofaði í gær endurkomu á Facebook í ræðu sinni á jólahlaðborði Sambands ungra Sjálfstæðismanna í gær. „Ég er að vísu ekki bú­inn að koma því í verk en úr því að ég gaf lof­orðið verð ég að standa við það,“ seg­ir Brynj­ar við mbl.is í dag.

Frægt er þegar Brynjar hætti á Facebook í nóvember síðastliðinn vegna heilsufarsástæðna, með vísun í harkaleg og ógeðfellt viðbrögð fólks í ummælakerfum. Segir Brynjar að hann geti ekki bitið í tunguna á sér endalaust:

„Maður hef­ur svo margt að segja. Svo er þetta ein­fald­ari leið til að tjá sig en að skrifa grein­ar sem birt­ast tveim­ur dög­um síðar þegar umræðan er orðin súr. Hlut­irn­ir í dag þurfa að ger­ast strax.“

Þá segist hann búast við að umræðan verði jafn harkaleg og áður, en það hafi verið furðu auðvelt að vera án Facebook.

„Maður skipt­ir bara í ann­an gír og hugs­ar ekk­ert meira um það.“

Segist hann búast við að byrja strax í næstu viku, takist honum að endurvekja sinn gamla aðgang:

„Ég þarf sjálfsagt aðstoð við það eins og allt annað.“

Eyjan óskar Brynjari til hamingju með ákvörðunina.