Hér að ofan má sjá forsíðu Morgunblaðsins frá því í dag. Offramboð á veitingahúsum í Reykjavík. Samt eru ný stöðugt að bætast við og verið að byggja hús undir fleiri veitingahús.
Svo er hérna forsíða Boston Globe frá því í dag. Þetta virta borgarblað greinir frá því að framboð á veitingahúsum sé slíkt að það sé í raun skortur á veitingahúsagestum. Meira að segja staðir sem þykja lofa afar góðu séu að loka. Þetta er eiginlega samhjóða því sem stendur í Mogganum.
Þess má geta að bæði í Reykjavík og Boston er dýrt að borða á veitingahúsum. Þó eru skyndibitastaðir ódýrari í Boston, en almennt telst hún með dýrustu borgum í Bandaríkjunum. Þegar bætist við þjórfé sem er á bilinu 15-20 prósent er maður oft farinn að borga Reykjavíkurverð.
