Síðasta Kiljan fyrir jól er á miðvikudagskvöld, afar efnismikil.

Pétur Gunnarsson segir frá bókinni Veraldarsaga mín – við sýnum líka kvikmyndir sem Baldur Hrafnkell Jónsson tók af Pétri í Aix-en-Provence 1970.

Elísabet Jökulsdóttir talar um ljóðabókina Enginn dans við Ufsaklett sem hefur vakið mikla athygli.

Við fjöllum um bækur Finnboga Hermannssonar, Guðna Ágústssonar og Stefáns Mána.

Fáum að heyra hvaða bækur bóksalar telja vera bestar á árinu. Þetta eru úrslitin úr vali bóksala um allt land.

Gagnrýnendur þáttarins fjalla um DNA eftir Yrsu Sigurðardóttur, Náttblindu eftir Ragnar Jónasson og Steinaldarveisluna eftir Valgarð Egilsson.

Og í Bókum og stöðum tölum við um bókmenntaverk sem tengjast Reykjavik á jólum. Þar má til dæmis nefna leikritið Deleríum búbónis.